Zertteýshiler Aqtóbe oblysynda altyn buiymdarymen jerlengen adamdy tapty, dep habarlaidy "Ult aqparat".
Temir aýdanynyń Tasqopa aýyly buryn qala bolǵan. Qala ornyn zertteýge oblys ákimi Ońdasyn Orazalin qoldaý bildirip, Á.Marǵulan atyndaǵy arheologiialyq institýttyń basqarýymen eki ai boiy qazba jumystary júrgizildi.
«Qazba jumystary tamyz aiynda bastaldy. Barlyǵy 15 qorǵan anyqtalyp, biyl 4 qorǵan zerttelip jatyr. Bireýinen «altyn adam» tabyldy. Naqty aitqanda beldigi, dýlyǵasy, túrli buiymdar altyndatylǵan. Qazir zertteý júrgizilip jatyr. Tariha súiensek, bul jerde sarmattardyń eskertkishi bar. Tabylǵan qorym bizdiń zamanymyzǵa beiingi V ǵasyrǵa jatady. Mundai jerleý tek taipa kósemine tán», - dedi Temir aýdanynyń ákimi Joldas Qalmaǵambetov.
Tabylǵan altyn buiymdar Almatyǵa zertteýge jiberiledi.
«Tasqopa qorymy aýyldan 2 shaqyrym jerde ornalasqan. Biz aldaǵy ýaqytta bul jerden de qundy jádiger tabylady dep úmittenemiz», - dedi J.Qalmaǵambetov.
Aita keteiik, Tasqopadaǵy qorym aldaǵy úsh jylda zertteledi. Negizi qorym buryn tonalyp ketken. Bul joly altyn buiymdarmen jerlengen adam 5 metr 70 sm tabylyp tur.
