زەرتتەۋشٸلەر اقتٶبە وبلىسىندا التىن بۇيىمدارىمەن جەرلەنگەن ادامدى تاپتى, دەپ حابارلايدى "ۇلت اقپارات".
تەمٸر اۋدانىنىڭ تاسقوپا اۋىلى بۇرىن قالا بولعان. قالا ورنىن زەرتتەۋگە وبلىس ەكٸمٸ وڭداسىن ورازالين قولداۋ بٸلدٸرٸپ, ە.مارعۇلان اتىنداعى ارحەولوگييالىق ينستيتۋتتىڭ باسقارۋىمەن ەكٸ اي بويى قازبا جۇمىستارى جٷرگٸزٸلدٸ.
«قازبا جۇمىستارى تامىز ايىندا باستالدى. بارلىعى 15 قورعان انىقتالىپ, بيىل 4 قورعان زەرتتەلٸپ جاتىر. بٸرەۋٸنەن «التىن ادام» تابىلدى. ناقتى ايتقاندا بەلدٸگٸ, دۋلىعاسى, تٷرلٸ بۇيىمدار التىنداتىلعان. قازٸر زەرتتەۋ جٷرگٸزٸلٸپ جاتىر. تاريحا سٷيەنسەك, بۇل جەردە سارماتتاردىڭ ەسكەرتكٸشٸ بار. تابىلعان قورىم بٸزدٸڭ زامانىمىزعا بەيٸنگٸ V عاسىرعا جاتادى. مۇنداي جەرلەۋ تەك تايپا كٶسەمٸنە تەن», - دەدٸ تەمٸر اۋدانىنىڭ ەكٸمٸ جولداس قالماعامبەتوۆ.
تابىلعان التىن بۇيىمدار الماتىعا زەرتتەۋگە جٸبەرٸلەدٸ.
«تاسقوپا قورىمى اۋىلدان 2 شاقىرىم جەردە ورنالاسقان. بٸز الداعى ۋاقىتتا بۇل جەردەن دە قۇندى جەدٸگەر تابىلادى دەپ ٷمٸتتەنەمٸز», - دەدٸ ج.قالماعامبەتوۆ.
ايتا كەتەيٸك, تاسقوپاداعى قورىم الداعى ٷش جىلدا زەرتتەلەدٸ. نەگٸزٸ قورىم بۇرىن تونالىپ كەتكەن. بۇل جولى التىن بۇيىمدارمەن جەرلەنگەن ادام 5 مەتر 70 سم تابىلىپ تۇر.
