Búgin Áliia Moldaǵulova áýejaiynda mergen qyzdyń músini ornatyldy, dep habarlaidy "Ult aqparat".
Jiynda batyrdyń týystary, onyń ómirin zerttep júrgen tanymal qoǵam qairatkerleri, ólketanýshylar boldy.
«Áliia Moldaǵulova - kúlli qazaq eliniń maqtanyshy. Aty ańyzǵa ainalǵan jerlesimizdiń ómiri men erligi - bizge, óskeleń urpaqqa laiyqty úlgi. Biz de sol siiaqty týǵan jerimizdi jaqsy kórip, qorǵaýymyz kerek. Úkimet qaýlysymen Aqtóbe halyqaralyq áýejaiyna Keńes Odaǵy batyrynyń esimi berildi. Sizderdi oblysymyzdyń ómirindegi qýanyshty oqiǵamen quttyqtaimyn»,- dedi oblys ákimi Ońdasyn Orazalin.
Áýejai ǵimaratynda Áliia Moldaǵulovanyń músini qoiyldy. Biiktigi – 2,47 sm.
Biýst avtory - aqtóbelik tanymal músinshi Jeńis Jubanqosov.
«Áliia apamyzdyń músinin bir aida jasap shyqtyq. Bul men úshin jaýapty jumys boldy. Biz ózi túsken fotosyn paidalandyq. Kishkentai bolsa da, aibarly, qaisar qazaq qyzy músininiń áýejaiǵa qoiylǵany ulttyq rýhymyzdy attyratyn qadam boldy», - dedi Jeńis Jubanqosov.
Aita keteiik, Aqtóbeniń halyqaralyq áýejaiyna Áliia Molduǵalova esimi 28 sáýir kúni berilgen edi.
