بٷگٸن ەلييا مولداعۇلوۆا ەۋەجايىندا مەرگەن قىزدىڭ مٷسٸنٸ ورناتىلدى, دەپ حابارلايدى "ۇلت اقپارات".
جيىندا باتىردىڭ تۋىستارى, ونىڭ ٶمٸرٸن زەرتتەپ جٷرگەن تانىمال قوعام قايراتكەرلەرٸ, ٶلكەتانۋشىلار بولدى.
«ەلييا مولداعۇلوۆا - كٷللٸ قازاق ەلٸنٸڭ ماقتانىشى. اتى اڭىزعا اينالعان جەرلەسٸمٸزدٸڭ ٶمٸرٸ مەن ەرلٸگٸ - بٸزگە, ٶسكەلەڭ ۇرپاققا لايىقتى ٷلگٸ. بٸز دە سول سيياقتى تۋعان جەرٸمٸزدٸ جاقسى كٶرٸپ, قورعاۋىمىز كەرەك. ٷكٸمەت قاۋلىسىمەن اقتٶبە حالىقارالىق ەۋەجايىنا كەڭەس وداعى باتىرىنىڭ ەسٸمٸ بەرٸلدٸ. سٸزدەردٸ وبلىسىمىزدىڭ ٶمٸرٸندەگٸ قۋانىشتى وقيعامەن قۇتتىقتايمىن»,- دەدٸ وبلىس ەكٸمٸ وڭداسىن ورازالين.
ەۋەجاي عيماراتىندا ەلييا مولداعۇلوۆانىڭ مٷسٸنٸ قويىلدى. بيٸكتٸگٸ – 2,47 سم.
بيۋست اۆتورى - اقتٶبەلٸك تانىمال مٷسٸنشٸ جەڭٸس جۇبانقوسوۆ.
«ەلييا اپامىزدىڭ مٷسٸنٸن بٸر ايدا جاساپ شىقتىق. بۇل مەن ٷشٸن جاۋاپتى جۇمىس بولدى. بٸز ٶزٸ تٷسكەن فوتوسىن پايدالاندىق. كٸشكەنتاي بولسا دا, ايبارلى, قايسار قازاق قىزى مٷسٸنٸنٸڭ ەۋەجايعا قويىلعانى ۇلتتىق رۋحىمىزدى اتتىراتىن قادام بولدى», - دەدٸ جەڭٸس جۇبانقوسوۆ.
ايتا كەتەيٸك, اقتٶبەنٸڭ حالىقارالىق ەۋەجايىنا ەلييا مولدۇعالوۆا ەسٸمٸ 28 سەۋٸر كٷنٸ بەرٸلگەن ەدٸ.
