- Aqtóbede 1 million gektar jer igerilmei jatyr. Oblystyq jerdiń paidalanylýy men qorǵalýyn baqylaý jónindegi basqarma onyń teń jartysyn memleket menshigine qaitardy, ózgesi áli jekeniń qolynda, dep habarlaidy Ult.kz tilshisi QazAqparat agenttigine silteme jasap.
Aqtóbe jer ielenip, ony uzaq jyldan beri kádege asyrmai otyrǵan kásipkerler bar. Oblystyq jerdiń paidalanylýy men qorǵalýyn baqylaý jónindegi basqarma egistik, shabyndyq, jaiylym, tipti, qunarly 1 million gektar jerdi anyqtady. Barlyǵy 858 jer telimi tizimge alyndy.
«2016 jyly 580 myń gektardan astam jer erikti túrde keri qaitaryldy. Onyń 91 myń gektary egistik, 5 myńy shabyndyq, 478 myńy jaiylym. Aitqanǵa kónbegen, jerdi ózi paidalanbai nemese ózgege bermei otyrǵan 234 jer teliminiń iesi 430 myń gektar jerdi májbúrli túrde qaitardy. Oblystyq prokýratýramen birlesip aýyl sharýashylyǵy, kommertsiialyq maqsattaǵy jerlerdi qaitarý kezinde jol kartasy jasaldy. Ákimshilik-quqyqtyq quzyretimiz bolmaǵandyqtan, jergilikti politsiia qyzmetine júgindik. Sebebi, kóbi qashyp ketedi, úilerine barǵan kezde esigin ashpaidy», - dedi oblystyq jerdiń paidalanylýy men qorǵalýyn baqylaý jónindegi basqarma basshysy Abýhat Myrzalin.
Basqarma 32 materialdy sotqa jibergen. Onyń 12-i qanaǵattandyrylyp, memleket paidasyna sheshildi. Al 9 is boiynsha utylyp, appeliatsiialyq shaǵym qaita berildi.
«Jer telimderiniń maqsatty igerilýin únemi baqylap otyrý ýaqyt pen qarjyny talap etedi. Jumys kúshi de qajet. Sondyqtan «Qazkosmos» ulttyq kompaniiasynyń múmkindigin paidalanyp, progresstivti tehnologiiany qoldaný tiimdi. Qyzmetkerdi shalǵai jerge jibermei-aq «Qazkosmos» túsirgen fotodan eginniń bar-joǵyn der kezinde anyqtai alamyz»,-dedi oblys prokýrorynyń birinshi orynbasary Nurdáýlet Súiindikov.
