- اقتٶبەدە 1 ميلليون گەكتار جەر يگەرٸلمەي جاتىر. وبلىستىق جەردٸڭ پايدالانىلۋى مەن قورعالۋىن باقىلاۋ جٶنٸندەگٸ باسقارما ونىڭ تەڭ جارتىسىن مەملەكەت مەنشٸگٸنە قايتاردى, ٶزگەسٸ ەلٸ جەكەنٸڭ قولىندا, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اقتٶبە جەر يەلەنٸپ, ونى ۇزاق جىلدان بەرٸ كەدەگە اسىرماي وتىرعان كەسٸپكەرلەر بار. وبلىستىق جەردٸڭ پايدالانىلۋى مەن قورعالۋىن باقىلاۋ جٶنٸندەگٸ باسقارما ەگٸستٸك, شابىندىق, جايىلىم, تٸپتٸ, قۇنارلى 1 ميلليون گەكتار جەردٸ انىقتادى. بارلىعى 858 جەر تەلٸمٸ تٸزٸمگە الىندى.
«2016 جىلى 580 مىڭ گەكتاردان استام جەر ەرٸكتٸ تٷردە كەرٸ قايتارىلدى. ونىڭ 91 مىڭ گەكتارى ەگٸستٸك, 5 مىڭى شابىندىق, 478 مىڭى جايىلىم. ايتقانعا كٶنبەگەن, جەردٸ ٶزٸ پايدالانباي نەمەسە ٶزگەگە بەرمەي وتىرعان 234 جەر تەلٸمٸنٸڭ يەسٸ 430 مىڭ گەكتار جەردٸ مەجبٷرلٸ تٷردە قايتاردى. وبلىستىق پروكۋراتۋرامەن بٸرلەسٸپ اۋىل شارۋاشىلىعى, كوممەرتسييالىق ماقساتتاعى جەرلەردٸ قايتارۋ كەزٸندە جول كارتاسى جاسالدى. ەكٸمشٸلٸك-قۇقىقتىق قۇزىرەتٸمٸز بولماعاندىقتان, جەرگٸلٸكتٸ پوليتسييا قىزمەتٸنە جٷگٸندٸك. سەبەبٸ, كٶبٸ قاشىپ كەتەدٸ, ٷيلەرٸنە بارعان كەزدە ەسٸگٸن اشپايدى», - دەدٸ وبلىستىق جەردٸڭ پايدالانىلۋى مەن قورعالۋىن باقىلاۋ جٶنٸندەگٸ باسقارما باسشىسى ابۋحات مىرزالين.
باسقارما 32 ماتەريالدى سوتقا جٸبەرگەن. ونىڭ 12-ٸ قاناعاتتاندىرىلىپ, مەملەكەت پايداسىنا شەشٸلدٸ. ال 9 ٸس بويىنشا ۇتىلىپ, اپپەلياتسييالىق شاعىم قايتا بەرٸلدٸ.
«جەر تەلٸمدەرٸنٸڭ ماقساتتى يگەرٸلۋٸن ٷنەمٸ باقىلاپ وتىرۋ ۋاقىت پەن قارجىنى تالاپ ەتەدٸ. جۇمىس كٷشٸ دە قاجەت. سوندىقتان «قازكوسموس» ۇلتتىق كومپانيياسىنىڭ مٷمكٸندٸگٸن پايدالانىپ, پروگرەسستيۆتٸ تەحنولوگييانى قولدانۋ تيٸمدٸ. قىزمەتكەردٸ شالعاي جەرگە جٸبەرمەي-اق «قازكوسموس» تٷسٸرگەن فوتودان ەگٸننٸڭ بار-جوعىن دەر كەزٸندە انىقتاي الامىز»,-دەدٸ وبلىس پروكۋرورىنىڭ بٸرٸنشٸ ورىنباسارى نۇردەۋلەت سٷيٸندٸكوۆ.
