Oblys máslihatynyń sessiiasynda Aqtóbe oblysynyń ákimi Berdibek Saparbaev depýtattar aldynda biylǵy jyldyń alty aiynda atqarylǵan jumystar jóninde esep berdi.
Oblys eseptik kezeń ishinde barlyq negizgi áleýmettik-ekonomikalyq kórsetkishter boiynsha oń dinamikaǵa qol jetkizdi. Sonyń ishinde ónerkásip 5,1% ósimdi kórsetip, 851,3 milliard teńgege ónim óndirildi.
- Jyl qorytyndysy boiynsha ónerkásip ónimin shyǵarý shamamen 2 trillion teńgeni quraýy tiis. Sondai-aq, biz osy jyl ishinde 870 myń sharshy metr turǵyn úidi tapsyrýdy josparlaǵanbyz, alaida jańartylǵan boljamdar boiynsha 900 myń sharshy metr baspana salamyz. Bul jerde bizge «7-20-25» baǵdarlamasy kómektesýde. Sonyń arqasynda jańa baspana odan saiyn suranysqa ie,- dep atap ótti oblys ákimi.
Ótken jarty jyldyń ishinde oblys ekonomikasyna 190,2 mlrd. teńge investitsiia tartyldy, bul byltyrǵy jyldyń osyǵan uqsas kezeńinen 10,6% kóbirek. Aýyl sharýashylyǵy ónimin shyǵarý kólemi 4,7%73 milliard teńgege deiin artty.
Jumyssyzdyq deńgeii orta respýblikalyq — 4,8%-dan tómen deńgeide saqtalǵan. Ózin ózi ónimsiz eńbekpen qamtyǵandar sany 4,6 myń adamǵa deiin qysqardy. 10 myń jańa jumys orny ashylsa, onyń 60% -y turaqty.
- Ekinshi jarty jyldyqta jaqsy jumys oryndary bar kóptegen jańa iri óndiris nysandaryn ashý josparlanǵan. Jyl sońyna deiin barlyǵy 17,7 myń jańa jumys orny qurylady. 44 myń adamdy jumyspen qamtýdyń keshendi josparymen qamtityn bolamyz, - dep naqtylady Berdibek Saparbaev.
Ol sondai-aq, biyl 55 milliard teńgege 35 kásiporynnyń jańǵyrtylatynyn atap ótti. Kútiletin nátije - eńbek ónimdiliginiń 10-15% -ǵa artyp, jaraqattanýdyń 10% -ǵa jáne ónimniń ózindik qunynyń 7%-ǵa tómendeýi. Biýdjetten tys investitsiialarǵa keler bolsaq, qorytyndy boiynsha keminde 32 milliard teńge tartý josparda bar.
Oblys ákimi jarty jyl ishinde óndiris kólemi 4,7%-ǵa 73 milliard teńgege deiin ósken aýyl sharýashylyǵy jaiyn aita kele, endigi qurylyp ta qoiǵan 198 óndiris kooperativterin sapaly damytýǵa, asyl tuqymdy mal sharýashylyǵyn damytýǵa, sýarmaly jerlerdi paidalanýǵa berýge, ónimdi qaita óńdeýge jáne eksporttaýdy arttyrýǵa basymdyq beriletindigin jetkizdi.
- Memleket basshysynyń, Úkimettiń barlyq tapsyrmalary erekshe baqylaýda. Oblystyń ótken jeti aiyndaǵy áleýmettik-ekonomikalyq damýyn eskere otyra jyldy ekonomika ósimin kem degende 5 paiyz ósimmen aiaqtaitynymyzdy senimdi aitýǵa bolady, - dep atap ótti Berdibek Saparbaev.
Oblys ákimi memlekettik-jeke áriptestik jobalarynyń júzege asyrylýyn, biznestiń áleýmettik jaýapkershiligin de sóz etti. Qazirgi tańda 56 mlrd teńgege barlyǵy 128 joba júzege asyrylyp jatyr.
- Shamamen qyrkúiek aiynda Muz saraiyn ashamyz. Birshama jaqyn arada jeńil atletikalyq manejdiń, IT-tehnologiia ortalyǵy men boks ortalyǵynyń qurylysy bastaldy, -dedi óńir basshysy.
