وبلىس مەسليحاتىنىڭ سەسسيياسىندا اقتٶبە وبلىسىنىڭ ەكٸمٸ بەردٸبەك ساپارباەۆ دەپۋتاتتار الدىندا بيىلعى جىلدىڭ التى ايىندا اتقارىلعان جۇمىستار جٶنٸندە ەسەپ بەردٸ.
وبلىس ەسەپتٸك كەزەڭ ٸشٸندە بارلىق نەگٸزگٸ ەلەۋمەتتٸك-ەكونوميكالىق كٶرسەتكٸشتەر بويىنشا وڭ ديناميكاعا قول جەتكٸزدٸ. سونىڭ ٸشٸندە ٶنەركەسٸپ 5,1% ٶسٸمدٸ كٶرسەتٸپ, 851,3 ميلليارد تەڭگەگە ٶنٸم ٶندٸرٸلدٸ.
- جىل قورىتىندىسى بويىنشا ٶنەركەسٸپ ٶنٸمٸن شىعارۋ شامامەن 2 تريلليون تەڭگەنٸ قۇراۋى تيٸس. سونداي-اق, بٸز وسى جىل ٸشٸندە 870 مىڭ شارشى مەتر تۇرعىن ٷيدٸ تاپسىرۋدى جوسپارلاعانبىز, الايدا جاڭارتىلعان بولجامدار بويىنشا 900 مىڭ شارشى مەتر باسپانا سالامىز. بۇل جەردە بٸزگە «7-20-25» باعدارلاماسى كٶمەكتەسۋدە. سونىڭ ارقاسىندا جاڭا باسپانا ودان سايىن سۇرانىسقا يە,- دەپ اتاپ ٶتتٸ وبلىس ەكٸمٸ.
ٶتكەن جارتى جىلدىڭ ٸشٸندە وبلىس ەكونوميكاسىنا 190,2 ملرد. تەڭگە ينۆەستيتسييا تارتىلدى, بۇل بىلتىرعى جىلدىڭ وسىعان ۇقساس كەزەڭٸنەن 10,6% كٶبٸرەك. اۋىل شارۋاشىلىعى ٶنٸمٸن شىعارۋ كٶلەمٸ 4,7%73 ميلليارد تەڭگەگە دەيٸن ارتتى.
جۇمىسسىزدىق دەڭگەيٸ ورتا رەسپۋبليكالىق — 4,8%-دان تٶمەن دەڭگەيدە ساقتالعان. ٶزٸن ٶزٸ ٶنٸمسٸز ەڭبەكپەن قامتىعاندار سانى 4,6 مىڭ ادامعا دەيٸن قىسقاردى. 10 مىڭ جاڭا جۇمىس ورنى اشىلسا, ونىڭ 60% -ى تۇراقتى.
- ەكٸنشٸ جارتى جىلدىقتا جاقسى جۇمىس ورىندارى بار كٶپتەگەن جاڭا ٸرٸ ٶندٸرٸس نىساندارىن اشۋ جوسپارلانعان. جىل سوڭىنا دەيٸن بارلىعى 17,7 مىڭ جاڭا جۇمىس ورنى قۇرىلادى. 44 مىڭ ادامدى جۇمىسپەن قامتۋدىڭ كەشەندٸ جوسپارىمەن قامتيتىن بولامىز, - دەپ ناقتىلادى بەردٸبەك ساپارباەۆ.
ول سونداي-اق, بيىل 55 ميلليارد تەڭگەگە 35 كەسٸپورىننىڭ جاڭعىرتىلاتىنىن اتاپ ٶتتٸ. كٷتٸلەتٸن نەتيجە - ەڭبەك ٶنٸمدٸلٸگٸنٸڭ 10-15% -عا ارتىپ, جاراقاتتانۋدىڭ 10% -عا جەنە ٶنٸمنٸڭ ٶزٸندٸك قۇنىنىڭ 7%-عا تٶمەندەۋٸ. بيۋدجەتتەن تىس ينۆەستيتسييالارعا كەلەر بولساق, قورىتىندى بويىنشا كەمٸندە 32 ميلليارد تەڭگە تارتۋ جوسپاردا بار.
وبلىس ەكٸمٸ جارتى جىل ٸشٸندە ٶندٸرٸس كٶلەمٸ 4,7%-عا 73 ميلليارد تەڭگەگە دەيٸن ٶسكەن اۋىل شارۋاشىلىعى جايىن ايتا كەلە, ەندٸگٸ قۇرىلىپ تا قويعان 198 ٶندٸرٸس كووپەراتيۆتەرٸن ساپالى دامىتۋعا, اسىل تۇقىمدى مال شارۋاشىلىعىن دامىتۋعا, سۋارمالى جەرلەردٸ پايدالانۋعا بەرۋگە, ٶنٸمدٸ قايتا ٶڭدەۋگە جەنە ەكسپورتتاۋدى ارتتىرۋعا باسىمدىق بەرٸلەتٸندٸگٸن جەتكٸزدٸ.
- مەملەكەت باسشىسىنىڭ, ٷكٸمەتتٸڭ بارلىق تاپسىرمالارى ەرەكشە باقىلاۋدا. وبلىستىڭ ٶتكەن جەتٸ ايىنداعى ەلەۋمەتتٸك-ەكونوميكالىق دامۋىن ەسكەرە وتىرا جىلدى ەكونوميكا ٶسٸمٸن كەم دەگەندە 5 پايىز ٶسٸممەن اياقتايتىنىمىزدى سەنٸمدٸ ايتۋعا بولادى, - دەپ اتاپ ٶتتٸ بەردٸبەك ساپارباەۆ.
وبلىس ەكٸمٸ مەملەكەتتٸك-جەكە ەرٸپتەستٸك جوبالارىنىڭ جٷزەگە اسىرىلۋىن, بيزنەستٸڭ ەلەۋمەتتٸك جاۋاپكەرشٸلٸگٸن دە سٶز ەتتٸ. قازٸرگٸ تاڭدا 56 ملرد تەڭگەگە بارلىعى 128 جوبا جٷزەگە اسىرىلىپ جاتىر.
- شامامەن قىركٷيەك ايىندا مۇز سارايىن اشامىز. بٸرشاما جاقىن ارادا جەڭٸل اتلەتيكالىق مانەجدٸڭ, ٸت-تەحنولوگييا ورتالىعى مەن بوكس ورتالىعىنىڭ قۇرىلىسى باستالدى, -دەدٸ ٶڭٸر باسشىسى.
