Aqtóbe oblysynda mektep, kolledj, ýniversitet ǵimaratynda ornalasqan ashanalardyń jumysyna ruqsat berildi. Búgin óńirde bas memlekettik sanitariialyq dárigerdiń jańa qaýlysy shyqty, dep habarlaidy "Ult aqparat".
Qaýlyǵa sáikes, Aqtóbe oblysy aýmaǵynda karantindik shekteý sharalary jeńildetildi. Bul joly aýyldardaǵy meshitterde ótetin juma namazyna qatysýǵa ruqsat bar. Alaida, talap boiynsha adam sany 150-den aspaýy shart.
«Bes ýaqyt namazdy meshitte oqýǵa ruqsat berildi. Tek adam sany 100-den asyp ketpeýi tiis. Al aýyldyq jerlerde juma namazy kezinde adam sany 150-den joǵary bolmaýy qajet. Sonymen birge teatr, kinoteatr, kontsert zaldarynyń 50 paiyzyna adam jinaýǵa bolady», - dep jazylǵan oblystyq Sanitariialyq-epidemiologiialyq baǵylaý departamentiniń qujatynda.
Budan bólek, mektep, orta jáne joǵarǵy oqý uiymdaryndaǵy qoǵamdyq tamaqtaný obektileriniń qyzmetine ruqsat berildi. Saýda, oiyn-saýyq oryndaryndaǵy muz aidyndarynyń qyzmeti de qaita jandanady. Munda áleýmettik qashyqtyq saqtalyp, adamdar betperde taǵýy tiis.
