اقتٶبە وبلىسىندا مەكتەپ, كوللەدج, ۋنيۆەرسيتەت عيماراتىندا ورنالاسقان اسحانالاردىڭ جۇمىسىنا رۇقسات بەرٸلدٸ. بٷگٸن ٶڭٸردە باس مەملەكەتتٸك سانيتارييالىق دەرٸگەردٸڭ جاڭا قاۋلىسى شىقتى, دەپ حابارلايدى "ۇلت اقپارات".
قاۋلىعا سەيكەس, اقتٶبە وبلىسى اۋماعىندا كارانتيندٸك شەكتەۋ شارالارى جەڭٸلدەتٸلدٸ. بۇل جولى اۋىلدارداعى مەشٸتتەردە ٶتەتٸن جۇما نامازىنا قاتىسۋعا رۇقسات بار. الايدا, تالاپ بويىنشا ادام سانى 150-دەن اسپاۋى شارت.
«بەس ۋاقىت نامازدى مەشٸتتە وقۋعا رۇقسات بەرٸلدٸ. تەك ادام سانى 100-دەن اسىپ كەتپەۋٸ تيٸس. ال اۋىلدىق جەرلەردە جۇما نامازى كەزٸندە ادام سانى 150-دەن جوعارى بولماۋى قاجەت. سونىمەن بٸرگە تەاتر, كينوتەاتر, كونتسەرت زالدارىنىڭ 50 پايىزىنا ادام جيناۋعا بولادى», - دەپ جازىلعان وبلىستىق سانيتارييالىق-ەپيدەميولوگييالىق باعىلاۋ دەپارتامەنتٸنٸڭ قۇجاتىندا.
بۇدان بٶلەك, مەكتەپ, ورتا جەنە جوعارعى وقۋ ۇيىمدارىنداعى قوعامدىق تاماقتانۋ وبەكتٸلەرٸنٸڭ قىزمەتٸنە رۇقسات بەرٸلدٸ. ساۋدا, ويىن-ساۋىق ورىندارىنداعى مۇز ايدىندارىنىڭ قىزمەتٸ دە قايتا جاندانادى. مۇندا ەلەۋمەتتٸك قاشىقتىق ساقتالىپ, ادامدار بەتپەردە تاعۋى تيٸس.
