Aqtóbe oblysynyń tótenshe jaǵdailar departamenti óńirdegi 43 eldi mekendi sý basý qaýpi bar ekenin aityp otyr.
Óńirge biyl qar kóp túspegen, jaýyn-shashyn mólsheri de az. Alaida, ózen jaǵasynda ornalasqan aimaqtardy sý basý qaýpi tónip tur, - dep jazady Aktobenews.kz.
«Biyl 43 eldi mekendi sý basý qaýpi bar. Olardyń kóbi ózen jaǵasynda ornalasqan. Mundai eskertý jyl saiyn beriledi», - dedi oblystyq tótenshe jaǵdailar departamentiniń bólim basshysy Qumar Turmaǵambetov.
Sonymen qatar, dabyl qaǵylǵan qaýipti mekenderde myńdaǵan adamnyń turatyny belgili.
«Qaýipti aimaqta 12 myńnan astam adam turady. Olardyń bárine eskertý berilip, ýchaskege jaýapty adamdar bekitildi», - dedi Turmaǵambetov.
Aita keteiik, biyl jergilikti bilik qyzyl sýdyń aldyn alý úshin 190 million teńge qarjy bólip otyr. Ol qarajat sý tasqynynyń aldyn alýǵa, qysqy tazalaý jumystaryn júrgizýge jumsalatyn bolady. Qazirgi tańda bógetter nyǵaitylyp, tazartylyp jatyr. Eger de ózen arnasynan tasyp, sý basqan jaǵdaida evakýatsiialaý úshin 4 mektepti daiyndap qoiǵan.
