اقتٶبە وبلىسىنىڭ تٶتەنشە جاعدايلار دەپارتامەنتٸ ٶڭٸردەگٸ 43 ەلدٸ مەكەندٸ سۋ باسۋ قاۋپٸ بار ەكەنٸن ايتىپ وتىر.
ٶڭٸرگە بيىل قار كٶپ تٷسپەگەن, جاۋىن-شاشىن مٶلشەرٸ دە از. الايدا, ٶزەن جاعاسىندا ورنالاسقان ايماقتاردى سۋ باسۋ قاۋپٸ تٶنٸپ تۇر, - دەپ جازادى Aktobenews.kz.
«بيىل 43 ەلدٸ مەكەندٸ سۋ باسۋ قاۋپٸ بار. ولاردىڭ كٶبٸ ٶزەن جاعاسىندا ورنالاسقان. مۇنداي ەسكەرتۋ جىل سايىن بەرٸلەدٸ», - دەدٸ وبلىستىق تٶتەنشە جاعدايلار دەپارتامەنتٸنٸڭ بٶلٸم باسشىسى قۇمار تۇرماعامبەتوۆ.
سونىمەن قاتار, دابىل قاعىلعان قاۋٸپتٸ مەكەندەردە مىڭداعان ادامنىڭ تۇراتىنى بەلگٸلٸ.
«قاۋٸپتٸ ايماقتا 12 مىڭنان استام ادام تۇرادى. ولاردىڭ بەرٸنە ەسكەرتۋ بەرٸلٸپ, ۋچاسكەگە جاۋاپتى ادامدار بەكٸتٸلدٸ», - دەدٸ تۇرماعامبەتوۆ.
ايتا كەتەيٸك, بيىل جەرگٸلٸكتٸ بيلٸك قىزىل سۋدىڭ الدىن الۋ ٷشٸن 190 ميلليون تەڭگە قارجى بٶلٸپ وتىر. ول قاراجات سۋ تاسقىنىنىڭ الدىن الۋعا, قىسقى تازالاۋ جۇمىستارىن جٷرگٸزۋگە جۇمسالاتىن بولادى. قازٸرگٸ تاڭدا بٶگەتتەر نىعايتىلىپ, تازارتىلىپ جاتىر. ەگەر دە ٶزەن ارناسىنان تاسىپ, سۋ باسقان جاعدايدا ەۆاكۋاتسييالاۋ ٷشٸن 4 مەكتەپتٸ دايىنداپ قويعان.
