Densaýlyq saqtaý ministri Aleksei Tsoi Aqtaý qalasynda bolǵan tótenshe jaǵdaidan zardap shekken azamattardyń jaǵdaiymen tanysty, dep habarlaidy "Ult aqparat".
«Mańǵystaý oblysyna jumys sapary barysynda koronavirýs infektsiiasymen kúres respýblikalyq jedel shtabynyń otyrysyn ótkizdik. Óńirdegi aǵymdyq jaǵdaidy baǵalap, naqty usynymdar berdik. Sonymen qatar Aqtaý qalasyndaǵy tótenshe jaǵdaidyń saldarynan zardap shekken sottalýshylardyń jaǵdaiymen tanystyq. Naýqastardyń densaýlyǵyn baqylap, dárigerlermen keńes ótkizdik. Zardap shekkenderdiń bireýiniń jaǵdaiy turaqty aýyr, úsheýi orta deńgeili túrli jaraqat alǵan. Olarǵa barlyq meditsinalyq kómek tolyqtai kórsetilip jatyr», - dep jazdy Tsoi Facebook-tegi paraqshasynda.
Eske sala ketsek, 19 shilde kúni Aqtaýda sottalǵandarǵa arnalǵan jataqhana qirap, eki adam mert boldy. Oqiǵa kezinde jataqhana ishinde 10 adam bolǵan, olardyń 9-y qaýipsiz jerge shyǵaryldy. Nátijesinde 2 adam aýyr jaraqattan qaitys boldy. Zardap shekkender aýrýhanaǵa jetkizilgen edi.
