دەنساۋلىق ساقتاۋ مينيسترٸ الەكسەي تسوي اقتاۋ قالاسىندا بولعان تٶتەنشە جاعدايدان زارداپ شەككەن ازاماتتاردىڭ جاعدايىمەن تانىستى, دەپ حابارلايدى "ۇلت اقپارات".
«ماڭعىستاۋ وبلىسىنا جۇمىس ساپارى بارىسىندا كوروناۆيرۋس ينفەكتسيياسىمەن كٷرەس رەسپۋبليكالىق جەدەل شتابىنىڭ وتىرىسىن ٶتكٸزدٸك. ٶڭٸردەگٸ اعىمدىق جاعدايدى باعالاپ, ناقتى ۇسىنىمدار بەردٸك. سونىمەن قاتار اقتاۋ قالاسىنداعى تٶتەنشە جاعدايدىڭ سالدارىنان زارداپ شەككەن سوتتالۋشىلاردىڭ جاعدايىمەن تانىستىق. ناۋقاستاردىڭ دەنساۋلىعىن باقىلاپ, دەرٸگەرلەرمەن كەڭەس ٶتكٸزدٸك. زارداپ شەككەندەردٸڭ بٸرەۋٸنٸڭ جاعدايى تۇراقتى اۋىر, ٷشەۋٸ ورتا دەڭگەيلٸ تٷرلٸ جاراقات العان. ولارعا بارلىق مەديتسينالىق كٶمەك تولىقتاي كٶرسەتٸلٸپ جاتىر», - دەپ جازدى تسوي Facebook-تەگٸ پاراقشاسىندا.
ەسكە سالا كەتسەك, 19 شٸلدە كٷنٸ اقتاۋدا سوتتالعاندارعا ارنالعان جاتاقحانا قيراپ, ەكٸ ادام مەرت بولدى. وقيعا كەزٸندە جاتاقحانا ٸشٸندە 10 ادام بولعان, ولاردىڭ 9-ى قاۋٸپسٸز جەرگە شىعارىلدى. نەتيجەسٸندە 2 ادام اۋىر جاراقاتتان قايتىس بولدى. زارداپ شەككەندەر اۋرۋحاناعا جەتكٸزٸلگەن ەدٸ.
