Aqtaýda mobildi toptar kúsheitilgen rejimde jumys istep jatyr, dep habarlaidy "Ult aqparat".
Politsiia qyzmetkerleri, ákimdik ókilderi dúkenderdi, saýda ortalyqtaryn, meiramhanalardy jáne basqa da kásipkerlik sýbektilerin sanitarlyq-epidemiologiialyq talaptardy saqtaý boiynsha tekserýde.
Demalys kúnderi bolǵan reid kezinde 1B shaǵyn aýdan 8/2 ǵimaratta ornalasqan «Shalaho» toihanasynda merekelik sharanyń (toi) bolyp jatqany anyqtaldy. Monitoring toby saǵat 00:40 baryp, toiǵa kelgenderdi tarqatty. Osy jáne ózge de tártip buzýshylyqtar resmi túrde tirkelip, meiramhana basshylyǵyna akt toltyrylyp, túsinikteme alyndy.
Ári qarai tiisti shara qoldaný úshin sanitariialyq-epidemiologiialyq qadaǵalaý organdaryna joldandy.
Monitoring tobynyń ókilderi virýs taralýyna yqpal etip, adamdar ómirin qaýipke tikkender jaýapkershilikke tartylatynyn eskertedi.
Sonymen birge, kásipkerlik sýbektileriniń basshylaryna sanitarlyq-epidemiologiialyq talaptardy buzý birneshe ret qaitalanǵan jaǵdaida, QR qoldanystaǵy zańnamasy sheńberinde kásipkerlik sýbektileriniń qyzmetin ýaqytsha toqtata turý sharasy qoldanylady.
Aita keteiik, buǵan deiin Aqtaýda karantinge qaramastan tyǵylyp jumys istegen meiramhanalar anyqtalǵanyn jazǵan bolatynbyz.
