اقتاۋدا موبيلدٸ توپتار كٷشەيتٸلگەن رەجيمدە جۇمىس ٸستەپ جاتىر, دەپ حابارلايدى "ۇلت اقپارات".
پوليتسييا قىزمەتكەرلەرٸ, ەكٸمدٸك ٶكٸلدەرٸ دٷكەندەردٸ, ساۋدا ورتالىقتارىن, مەيرامحانالاردى جەنە باسقا دا كەسٸپكەرلٸك سۋبەكتٸلەرٸن سانيتارلىق-ەپيدەميولوگييالىق تالاپتاردى ساقتاۋ بويىنشا تەكسەرۋدە.
دەمالىس كٷندەرٸ بولعان رەيد كەزٸندە 1ب شاعىن اۋدان 8/2 عيماراتتا ورنالاسقان «Shalaho» تويحاناسىندا مەرەكەلٸك شارانىڭ (توي) بولىپ جاتقانى انىقتالدى. مونيتورينگ توبى ساعات 00:40 بارىپ, تويعا كەلگەندەردٸ تارقاتتى. وسى جەنە ٶزگە دە تەرتٸپ بۇزۋشىلىقتار رەسمي تٷردە تٸركەلٸپ, مەيرامحانا باسشىلىعىنا اكت تولتىرىلىپ, تٷسٸنٸكتەمە الىندى.
ەرٸ قاراي تيٸستٸ شارا قولدانۋ ٷشٸن سانيتارييالىق-ەپيدەميولوگييالىق قاداعالاۋ ورگاندارىنا جولداندى.
مونيتورينگ توبىنىڭ ٶكٸلدەرٸ ۆيرۋس تارالۋىنا ىقپال ەتٸپ, ادامدار ٶمٸرٸن قاۋٸپكە تٸككەندەر جاۋاپكەرشٸلٸككە تارتىلاتىنىن ەسكەرتەدٸ.
سونىمەن بٸرگە, كەسٸپكەرلٸك سۋبەكتٸلەرٸنٸڭ باسشىلارىنا سانيتارلىق-ەپيدەميولوگييالىق تالاپتاردى بۇزۋ بٸرنەشە رەت قايتالانعان جاعدايدا, قر قولدانىستاعى زاڭناماسى شەڭبەرٸندە كەسٸپكەرلٸك سۋبەكتٸلەرٸنٸڭ قىزمەتٸن ۋاقىتشا توقتاتا تۇرۋ شاراسى قولدانىلادى.
ايتا كەتەيٸك, بۇعان دەيٸن اقتاۋدا كارانتينگە قاراماستان تىعىلىپ جۇمىس ٸستەگەن مەيرامحانالار انىقتالعانىن جازعان بولاتىنبىز.
