Aqtaýda eki adam himiialyq zattan ýlaný saldarynan kóz jumdy. Taǵy 6 adam shuǵyl túrde aýrýhanaǵa jatqyzyldy, dep habarlaidy "Ult aqparat" oblystyń qoǵamdyq kommýnikatsiia ortalyǵyna silteme jasap.
Quzyrly organdar anyqtaǵandai, Aqtaý qalasynyń turǵyny «Kvikfos» preparatymen (jándikterge qarsy preparat) kórshilerin eskertpesten óz páterin dezinfektsiialaidy. Páterin zalalsyzdandyryp bolǵan soń, úiin kilttep basqa shaǵynaýdanǵa ketken. Keiin kórshileriniń densaýlyǵy nasharlai bastaǵan. Saldarynan kórshi áiel men onyń qyzy kóz jumdy. Atalǵan is boiynsha sot-meditsinalyq saraptama taǵaiyndaldy.
Osy fakt Aqtaý qalasynyń politsiia basqarmasyna QR QK 304 baby 3-bólimine sáikes tirkeldi.
Qazirgi tańda Aqtaý qalasynyń politsiia basqarmasy páterin dezinfektsiialaǵan turǵynnyń jeke basyn anyqtady. Qylmystyq is boiynsha sotqa deiingi tergeý júrip jatyr.
