اقتاۋدا ەكٸ ادام حيمييالىق زاتتان ۋلانۋ سالدارىنان كٶز جۇمدى. تاعى 6 ادام شۇعىل تٷردە اۋرۋحاناعا جاتقىزىلدى, دەپ حابارلايدى "ۇلت اقپارات" وبلىستىڭ قوعامدىق كوممۋنيكاتسييا ورتالىعىنا سٸلتەمە جاساپ.
قۇزىرلى ورگاندار انىقتاعانداي, اقتاۋ قالاسىنىڭ تۇرعىنى «كۆيكفوس» پرەپاراتىمەن (جەندٸكتەرگە قارسى پرەپارات) كٶرشٸلەرٸن ەسكەرتپەستەن ٶز پەتەرٸن دەزينفەكتسييالايدى. پەتەرٸن زالالسىزداندىرىپ بولعان سوڭ, ٷيٸن كٸلتتەپ باسقا شاعىناۋدانعا كەتكەن. كەيٸن كٶرشٸلەرٸنٸڭ دەنساۋلىعى ناشارلاي باستاعان. سالدارىنان كٶرشٸ ەيەل مەن ونىڭ قىزى كٶز جۇمدى. اتالعان ٸس بويىنشا سوت-مەديتسينالىق ساراپتاما تاعايىندالدى.
وسى فاكت اقتاۋ قالاسىنىڭ پوليتسييا باسقارماسىنا قر قك 304 بابى 3-بٶلٸمٸنە سەيكەس تٸركەلدٸ.
قازٸرگٸ تاڭدا اقتاۋ قالاسىنىڭ پوليتسييا باسقارماسى پەتەرٸن دەزينفەكتسييالاعان تۇرعىننىڭ جەكە باسىن انىقتادى. قىلمىستىق ٸس بويىنشا سوتقا دەيٸنگٸ تەرگەۋ جٷرٸپ جاتىر.
