Foto:Azamat Sarsenbaev / Reuters
25 jeltoqsanda Aqtaýda bolǵan ushaq apatyn zertteý qorytyndysy 2025 jyldyń aiaǵyna deiin jariialanýy múmkin. Bul týraly Ult.kz Qazaqstan kólik ministrligine silteme jasap habarlaidy.
"Áýe apatyn zertteý quzyrly halyqaralyq sarapshylardyń báriniń qatysýymen júrip jatyr. Qazaqstan zańdary men ICAO standartynyń 13-qosymshasyna sáikes, aldyn ala esep áýe apaty bolǵan kúnnen 30 kún ishinde jariialanýǵa tiis. Aita keterlik jait, komissiia, 13-qosymshasyna sai, tergeýdi 12 aidyń ishinde aiaqtaýdy kózdep otyr", - dep habarlady Qazaqstan kólik ministrligi.
Buǵan deiin brazilialyq G1 portaly ázerbaijandyq AZAL ushaǵynyń "qara jáshigin" Braziliiaǵa sársenbi kúni jetkizilgenin habarlaǵan. "Qara jáshikti" ashý 2 qańtarda (Baký ýaqytymen 3 qańtar) bastalǵan. Qara jáshikterdegi derekter Braziliianyń Áskeri-áýe kúshteri (Força Aérea Brasileira – FAB) mamandarynyń qatysýymen taldanady. Alynǵan aqparat oqiǵany taldaýǵa jáne tergeýge jaýapty agenttik – Qazaqstannyń Aviatsiialyq oqiǵany tergeý komissiiasyna beriledi.
Eske salsaq, 25 jeltoqsanda Baký - Groznyi baǵyty boiynsha bet alǵan ushaq Aqtaýda apatqa ushyrady. Derek boiynsha ushaq bortynda 62 jolaýshy men 5 ekipaj múshesi bolǵan, olardyń 38-i qaza tapqany belgili boldy. Bortta 42 Ázerbaijan, 16 RF, 6 Qazaqstan, 3 Qyrǵyzstan azamaty bolǵan. Ókinishke qarai bortta bolǵan Qazaqstan azamattarynyń barlyǵy qaitys boldy.
