فوتو:ازامات سارسەنباەۆ / Reuters
25 جەلتوقساندا اقتاۋدا بولعان ۇشاق اپاتىن زەرتتەۋ قورىتىندىسى 2025 جىلدىڭ اياعىنا دەيٸن جارييالانۋى مٷمكٸن. بۇل تۋرالى Ult.kz قازاقستان كٶلٸك مينيسترلٸگٸنە سٸلتەمە جاساپ حابارلايدى.
"ەۋە اپاتىن زەرتتەۋ قۇزىرلى حالىقارالىق ساراپشىلاردىڭ بەرٸنٸڭ قاتىسۋىمەن جٷرٸپ جاتىر. قازاقستان زاڭدارى مەن ICAO ستاندارتىنىڭ 13-قوسىمشاسىنا سەيكەس, الدىن الا ەسەپ ەۋە اپاتى بولعان كٷننەن 30 كٷن ٸشٸندە جارييالانۋعا تيٸس. ايتا كەتەرلٸك جايت, كوميسسييا, 13-قوسىمشاسىنا ساي, تەرگەۋدٸ 12 ايدىڭ ٸشٸندە اياقتاۋدى كٶزدەپ وتىر", - دەپ حابارلادى قازاقستان كٶلٸك مينيسترلٸگٸ.
بۇعان دەيٸن برازيليالىق G1 پورتالى ەزەربايجاندىق AZAL ۇشاعىنىڭ "قارا جەشٸگٸن" برازيليياعا سەرسەنبٸ كٷنٸ جەتكٸزٸلگەنٸن حابارلاعان. "قارا جەشٸكتٸ" اشۋ 2 قاڭتاردا (باكۋ ۋاقىتىمەن 3 قاڭتار) باستالعان. قارا جەشٸكتەردەگٸ دەرەكتەر برازيلييانىڭ ەسكەري-ەۋە كٷشتەرٸ (Força Aérea Brasileira – FAB) ماماندارىنىڭ قاتىسۋىمەن تالدانادى. الىنعان اقپارات وقيعانى تالداۋعا جەنە تەرگەۋگە جاۋاپتى اگەنتتٸك – قازاقستاننىڭ اۆياتسييالىق وقيعانى تەرگەۋ كوميسسيياسىنا بەرٸلەدٸ.
ەسكە سالساق, 25 جەلتوقساندا باكۋ - گروزنىي باعىتى بويىنشا بەت العان ۇشاق اقتاۋدا اپاتقا ۇشىرادى. دەرەك بويىنشا ۇشاق بورتىندا 62 جولاۋشى مەن 5 ەكيپاج مٷشەسٸ بولعان, ولاردىڭ 38-ٸ قازا تاپقانى بەلگٸلٸ بولدى. بورتتا 42 ەزەربايجان, 16 رف, 6 قازاقستان, 3 قىرعىزستان ازاماتى بولعان. ٶكٸنٸشكە قاراي بورتتا بولعان قازاقستان ازاماتتارىنىڭ بارلىعى قايتىس بولدى.
