kollaj: Tengrinews.kz
Aqtaýda kisi qaǵyp óltirgen Toyota Land Cruiser kóligin áiel adam júrgizgen. Aldyn ala málimet boiynsha, Mańǵystaý Politsiia departamentiniń baspasóz qyzmeti júrgizýshi saý bolǵanyn málimdedi, - dep habarlaidy Tengrinews.kz tilshisi Lada.kz saityna silteme jasap.
Politsiia áli de saraptamanyń resmi qorytyndysyn kútip otyr. Vedomstvo ókili 29 jastaǵy áiel men 5 jasar qyzdy qaǵyp óltirgen júrgizýshi 42 jasta ekenin aitty.
Áiel qaiǵyly oqiǵa ornynda, al bala oblystyq balalar aýrýhanasynda qaitys bolǵany belgili boldy. Dárigerler qyzdyń ómiri úshin 1,5 saǵat kúreskenin aitty.
"Qyz óte aýyr jaǵdaida tústi: jabyq bas súiek-mi jaraqaty, ish jaraqaty, asqazan, baýyr, kókbaýyrdyń jarylýy, ishke qan ketý, gemorragiialyq jáne travmatikalyq shok. Balaǵa shuǵyl túrde ota jasaldy. Kókbaýyr alyp tastaldy, baýyr, asqazan tigildi. Qan quiyldy. Biraq jasalǵan sharalarǵa qaramastan, balany qutqarý múmkin bolmady", - dedi Mańǵystaý oblystyq balalar aýrýhanasy travmatologiia jáne ortopediia bóliminiń meńgerýshisi Qurman Qairanov.
Astana TV arnasy áiel 5 jyldan 10 jylǵa deiin bas bostandyǵynan aiyrylýy múmkin ekenin naqtylady.
Eske salaiyq, 20 jeltoqsanda 16 jáne 19-shaǵynaýdandar arasynda qaiǵyly oqiǵa bolǵany habarlanǵan bolatyn. Politsiia 23.45-te qońyraý túskenin málimdegen edi.
