Qazaqstandyq aktrisa Zarina Karmenniń Threads jelisindegi jazbasy qyzý talqyǵa túsip, keibir qoldanýshylar óner iesine boikot jariialaýǵa shaqyrdy, dep habarlaidy ult.kz.
Daý aktrisanyń bloger Mini Knopkamen bailanysty kóshe ataýlary jónindegi pikirtalasqa qatysty jazbasynan keiin bastalǵan. Zarina Karmen áleýmettik jelide “Jalǵan patriotizmniń iisi ańqyp tur” dep pikir bildirgen.
Alaida bul sóz kópshiliktiń narazylyǵyn týdyrdy. Jeli qoldanýshylary aktrisanyń ulttyq máselege qatysty ustanymyn synǵa alyp, qaza tapqan 14 áskeri qyzmetshi týraly da sóz qozǵady.
Atap aitqanda, keibir qoldanýshylar Zarina Karmenniń sarbazdardyń qazasyna bailanysty jariia túrde kóńil aitpaǵanyn alǵa tartty. Olar aktrisanyń bul máselege ún qatpaǵanyn synap, onyń keiingi jazbasyn orynsyz dep baǵalady.
“Boldy, jalǵan kinosyna barmaimyz. Boikot!” degen pikirler de jariialandy.
Osylaisha, kóshe ataýlaryna qatysty bastalǵan pikirtalas aktrisanyń qoǵamdyq máselelerge kózqarasy tóńiregindegi daýǵa ulasty.
Aita keteiik, Almatyda Qazaqstanda alǵash ret dark-triller janrynda túsirilgen «Búrkitshi» kórkem filminiń jabyq kórsetilimi ótti.
Zarina Karmen kim?
Zarina Karmen – qazaqstandyq aktrisa, kino salasynda tanylǵan óner ókili. Sońǵy ýaqytta onyń esimi Threads áleýmettik jelisindegi jazbasyna bailanysty qyzý talqylanyp jatyr.
Aktrisa kóshe ataýlaryna qatysty pikirtalas kezinde “Jalǵan patriotizmniń iisi ańqyp tur” degen jazba jariialaǵany úshin keibir jeli qoldanýshylarynyń synyna ushyrady.
Ashyq ómirbaiandyq derekterge súiensek, Zarina Muhtarqyzy Karmenova 1989 jyly dúniege kelgen. T. Júrgenov atyndaǵy Qazaq ulttyq óner akademiiasynda teatr jáne kino akteri mamandyǵy boiynsha bilim alǵan. Londondaǵy óner mektebinde de qosymsha bilim alǵan. 2011 jyly Muhtar Áýezov atyndaǵy Qazaq memlekettik akademiialyq drama teatrynyń akterlik quramyna qabyldanǵan. 2018 jyly “Serper” jastar syilyǵynyń laýreaty atandy.
Aktrisa “Mirjaqyp. Oian, qazaq!”, “Ánel”, “Otyzdan asyp baramyn”, “Meniń papam – tigr”, “№37” jáne “Qushaqtashy, mama” siiaqty kinotýyndylarǵa túsken.
