10 qazanda Qazaqstannyń basym bóliginde jaýyn-shashynsyz aýa raiy saqtalady. Alaida shyǵys óńirlerde jańbyr men qar jaýyp, kei aimaqtarda tuman túsýi múmkin, dep habarlaidy ult.kz.
Astanada kún ala bultty, túnde -2°C, kúndiz +11°C bolady.
Almatyda jaýyn-shashynsyz, túnde +6°C, kúndiz +19°C kútiledi.
Shymkentte kún ashyq, túnde +13°C, kúndiz +25°C bolady.
Aqmola, Qostanai, Soltústik Qazaqstan jáne Pavlodar oblystarynda tańerteń tuman túsýi múmkin. Aqtóbe men Batys Qazaqstan oblystarynda kún birtindep jylynady.
Atyraý men Mańǵystaý oblystarynda jańbyr jaýýy yqtimal. Qaraǵandy, Ulytaý, Qyzylorda, Túrkistan jáne Jambyl oblystarynda negizinen jaýyn-shashynsyz aýa raiy saqtalady.
Almaty men Jetisý oblystarynda kún ashyq bolady. Abai jáne Shyǵys Qazaqstan oblystarynda jańbyr men qar aralas jaýyn-shashyn kútiledi.
Sinoptikter turǵyndarǵa tuman kezinde jolda saq bolýdy eskertedi.
