كوللاج: Tengrinews.kz
اقتاۋدا كٸسٸ قاعىپ ٶلتٸرگەن Toyota Land Cruiser كٶلٸگٸن ەيەل ادام جٷرگٸزگەن. الدىن الا مەلٸمەت بويىنشا, ماڭعىستاۋ پوليتسييا دەپارتامەنتٸنٸڭ باسپاسٶز قىزمەتٸ جٷرگٸزۋشٸ ساۋ بولعانىن مەلٸمدەدٸ, - دەپ حابارلايدى Tengrinews.kz تٸلشٸسٸ Lada.kz سايتىنا سٸلتەمە جاساپ.
پوليتسييا ەلٸ دە ساراپتامانىڭ رەسمي قورىتىندىسىن كٷتٸپ وتىر. ۆەدومستۆو ٶكٸلٸ 29 جاستاعى ەيەل مەن 5 جاسار قىزدى قاعىپ ٶلتٸرگەن جٷرگٸزۋشٸ 42 جاستا ەكەنٸن ايتتى.
ەيەل قايعىلى وقيعا ورنىندا, ال بالا وبلىستىق بالالار اۋرۋحاناسىندا قايتىس بولعانى بەلگٸلٸ بولدى. دەرٸگەرلەر قىزدىڭ ٶمٸرٸ ٷشٸن 1,5 ساعات كٷرەسكەنٸن ايتتى.
"قىز ٶتە اۋىر جاعدايدا تٷستٸ: جابىق باس سٷيەك-مي جاراقاتى, ٸش جاراقاتى, اسقازان, باۋىر, كٶكباۋىردىڭ جارىلۋى, ٸشكە قان كەتۋ, گەمورراگييالىق جەنە تراۆماتيكالىق شوك. بالاعا شۇعىل تٷردە وتا جاسالدى. كٶكباۋىر الىپ تاستالدى, باۋىر, اسقازان تٸگٸلدٸ. قان قۇيىلدى. بٸراق جاسالعان شارالارعا قاراماستان, بالانى قۇتقارۋ مٷمكٸن بولمادى", - دەدٸ ماڭعىستاۋ وبلىستىق بالالار اۋرۋحاناسى تراۆماتولوگييا جەنە ورتوپەدييا بٶلٸمٸنٸڭ مەڭگەرۋشٸسٸ قۇرمان قايرانوۆ.
Astana TV ارناسى ەيەل 5 جىلدان 10 جىلعا دەيٸن باس بوستاندىعىنان ايىرىلۋى مٷمكٸن ەكەنٸن ناقتىلادى.
ەسكە سالايىق, 20 جەلتوقساندا 16 جەنە 19-شاعىناۋداندار اراسىندا قايعىلى وقيعا بولعانى حابارلانعان بولاتىن. پوليتسييا 23.45-تە قوڭىراۋ تٷسكەنٸن مەلٸمدەگەن ەدٸ.
