"جٸگٸتتەر" توبىنىڭ ەنشٸسٸ ەردوس قاناەۆ ەلەۋمەتتٸك جەلٸدەگٸ پاراقشاسىندا شاڭىراق كٶتەرۋگە قاتىستى ەزٸل جارييالاپ, وقىرماندارىن كٷلدٸردٸ, دەپ حابارلايدى ult.kz.
ٶنەر يەسٸ Instagram جەلٸسٸندە وتباسىنداعى تاتۋلىقتى ساقتاۋدىڭ ەرەكشە جولى تۋرالى جازبامەن بٶلٸستٸ. وندا ٷيلەنۋگە ەڭ قولايلى جاس رەتٸندە 80 جاس كٶرسەتٸلگەن.
"ٷيلەنۋگە ەڭ قولايلى جاس – 80 جاس. سەبەبٸ ول كەزدە كٷيەۋٸنٸڭ كٶزٸ كٶرمەيدٸ, ەيەلٸنٸڭ قۇلاعى ەستٸمەيدٸ. بٸرٸ كٶرمەگەن بولادى, بٸرٸ ەستٸمەگەن بولادى – وتباسىندا ۇرىس-كەرٸس جوق!" – دەلٸنگەن ەنشٸ جارييالاعان سۋرەتتە.
اتالعان ەزٸل سۋرەتتە نۇربول ۇستازدىڭ سٶزٸ رەتٸندە بەرٸلگەن.
ەردوس قاناەۆ ەزٸلدٸڭ استارىندا ەرلٸ-زايىپتىلاردىڭ بٸر-بٸرٸنە تٷسٸنٸستٸكپەن قاراۋى ماڭىزدى ەكەنٸن مەڭزەگەن. سونداي-اق ول جارىنا دەگەن سٷيٸسپەنشٸلٸكتٸ دەرٸ-دەرمەككە تەڭەگەن ەرەكشە سٶزدٸ مىسالعا كەلتٸردٸ.
"اپتەكادا دەرٸ بار, بٸراق اۋىرعاندا ماعان تەك ٷيدٸڭ دەرٸسٸ كٶمەكتەسەدٸ جەنە دە ەڭ كٷشتٸ دەرٸم, دەرۋمەنٸم ول مەنٸڭ قيسىق قابىرعام", – دەگەن ەكەن ەيەلٸنە ەسسٸز عاشىق بٸر ادام", – دەپ جازدى ەنشٸ.
ٶنەر يەسٸ جازباسىنىڭ سوڭىندا وتباسىنداعى سىيلاستىق پەن ٶزارا قامقورلىقتىڭ ماڭىزىنا توقتالىپ, ەرلٸ-زايىپتىلارعا اق تٸلەگٸن ارنادى.
"سول ٷشٸن تابيعاتى "قيسىق قابىرعا" سەكٸلدٸ بولعان ەيەلدەرٸڭٸز, اماناتتارىڭىز امان بولسىن, وتىز ۇلىڭ بولسا دا وسىراق شالدارىڭىز باي-قۋاتتى بولىپ, بٸر-بٸرلەرٸڭٸزگە دەرٸ-دەرمەن سەكٸلدٸ تىنىشتىق پەن باقىت سىيلاپ جٷرە بەرٸڭٸزدەر", – دەدٸ ەردوس قاناەۆ.
وسىلايشا ەنشٸ ەزٸل ارقىلى وتباسىلىق ٶمٸردە بٸر-بٸرٸنٸڭ كەمشٸلٸگٸن تٷسٸنٸپ, ٶزارا قۇرمەت پەن سٷيٸسپەنشٸلٸكتٸ ساقتاۋدىڭ ماڭىزىن جەتكٸزدٸ.
ەردوس قاناەۆ كٸم?
ەردوس قاناەۆ – قازاقستاندىق ەنشٸ, كٶپشٸلٸككە "جٸگٸتتەر" توبىنىڭ مٷشەسٸ رەتٸندە تانىلعان ٶنەر يەسٸ. ول قازاق ەستراداسىندا بٸرنەشە جىلدان بەرٸ شىعارماشىلىقپەن اينالىسىپ كەلەدٸ. "جٸگٸتتەر" توبى ليريكالىق ەندەرٸمەن جەنە ۇلتتىق ناقىشتاعى تۋىندىلارىمەن تىڭدارمان ىقىلاسىنا بٶلەنگەن. ەردوس قاناەۆ توپ قۇرامىندا تٷرلٸ كونتسەرتتەر مەن مەدەني ٸس-شارالارعا قاتىسىپ جٷر. ەنشٸ شىعارماشىلىعىندا ماحاببات, وتباسى جەنە ادامگەرشٸلٸك تاقىرىپتارىنا ەرەكشە مەن بەرەدٸ.
ەردوس قاناەۆ تٷركٸستان وبلىسىنىڭ ورداباسى اۋدانىنا قاراستى شۇبار اۋىلىندا دٷنيەگە كەلگەن. ول جوعارى وقۋ ورنىندا قازاق تٸلٸ مەن ەدەبيەتٸ پەنٸنٸڭ مۇعالٸمٸ ماماندىعى بويىنشا بٸلٸم العان. مەكتەپتە وقىپ جٷرگەندە ەركٸن نۇرجانوۆ جەنە اسقار جٷنٸسبەكوۆپەن بٸرگە مۋزىكالىق تريو قۇرعان. ەردوس قاناەۆتىڭ كەسٸبي شىعارماشىلىق جولى 2003 جىلى قۇرىلعان "جٸگٸتتەر" كۆارتەتٸمەن تىعىز بايلانىستى. سول جىلى توپ "اراي" رەسپۋبليكالىق بايقاۋىندا باس جٷلدە جەڭٸپ العان.
2004 جىلى كۆارتەتتٸڭ "ەركە قىز" ەنٸنە تٷسٸرٸلگەن العاشقى بەينەبايانى جارىق كٶردٸ. ال 2006 جىلى توپ الماتىدا تۇڭعىش جەكە كونتسەرتٸن ٶتكٸزدٸ. ەردوس قاناەۆ ەنشٸلٸكتەن بٶلەك, ەن مەتٸندەرٸنٸڭ اۆتورى رەتٸندە دە بەلگٸلٸ. ول تەلەباعدارلامالارعا قاتىسىپ, شىعارماشىلىعى مەن ٶمٸرلٸك ۇستانىمدارى تۋرالى سۇحبات بەرٸپ كەلەدٸ. سونداي-اق ەلەۋمەتتٸك جەلٸدە وتباسى قۇندىلىقتارى مەن بالا تەربيەسٸنە قاتىستى پٸكٸرلەرٸن جارييالاپ تۇرادى.
ايتا كەتەيٸك, ەردوس قاناەۆ بۇعان دەيٸن دە وتباسى قۇندىلىقتارى تۋرالى پٸكٸر بٸلدٸرٸپ, ەرلٸ-زايىپتىلاردى اجىراسۋعا ٷندەيتٸن كوۋچتاردىڭ ەرەكەتٸن سىنعا العان ەدٸ.
