"Jigitter" tobynyń ánshisi Erdos Qanaev áleýmettik jelidegi paraqshasynda shańyraq kóterýge qatysty ázil jariialap, oqyrmandaryn kúldirdi, dep habarlaidy ult.kz.
Óner iesi Instagram jelisinde otbasyndaǵy tatýlyqty saqtaýdyń erekshe joly týraly jazbamen bólisti. Onda úilenýge eń qolaily jas retinde 80 jas kórsetilgen.
"Úilenýge eń qolaily jas – 80 jas. Sebebi ol kezde kúieýiniń kózi kórmeidi, áieliniń qulaǵy estimeidi. Biri kórmegen bolady, biri estimegen bolady – otbasynda urys-keris joq!" – delingen ánshi jariialaǵan sýrette.
Atalǵan ázil sýrette Nurbol ustazdyń sózi retinde berilgen.
Erdos Qanaev ázildiń astarynda erli-zaiyptylardyń bir-birine túsinistikpen qaraýy mańyzdy ekenin meńzegen. Sondai-aq ol jaryna degen súiispenshilikti dári-dármekke teńegen erekshe sózdi mysalǵa keltirdi.
"Aptekada dári bar, biraq aýyrǵanda maǵan tek úidiń dárisi kómektesedi jáne de eń kúshti dárim, dárýmenim ol meniń qisyq qabyrǵam", – degen eken áieline essiz ǵashyq bir adam", – dep jazdy ánshi.
Óner iesi jazbasynyń sońynda otbasyndaǵy syilastyq pen ózara qamqorlyqtyń mańyzyna toqtalyp, erli-zaiyptylarǵa aq tilegin arnady.
"Sol úshin tabiǵaty "qisyq qabyrǵa" sekildi bolǵan áielderińiz, amanattaryńyz aman bolsyn, otyz ulyń bolsa da osyraq shaldaryńyz bai-qýatty bolyp, bir-birlerińizge dári-dármen sekildi tynyshtyq pen baqyt syilap júre berińizder", – dedi Erdos Qanaev.
Osylaisha ánshi ázil arqyly otbasylyq ómirde bir-biriniń kemshiligin túsinip, ózara qurmet pen súiispenshilikti saqtaýdyń mańyzyn jetkizdi.
Erdos Qanaev kim?
Erdos Qanaev – qazaqstandyq ánshi, kópshilikke "Jigitter" tobynyń múshesi retinde tanylǵan óner iesi. Ol qazaq estradasynda birneshe jyldan beri shyǵarmashylyqpen ainalysyp keledi. "Jigitter" toby lirikalyq ánderimen jáne ulttyq naqyshtaǵy týyndylarymen tyńdarman yqylasyna bólengen. Erdos Qanaev top quramynda túrli kontsertter men mádeni is-sharalarǵa qatysyp júr. Ánshi shyǵarmashylyǵynda mahabbat, otbasy jáne adamgershilik taqyryptaryna erekshe mán beredi.
Erdos Qanaev Túrkistan oblysynyń Ordabasy aýdanyna qarasty Shubar aýylynda dúniege kelgen. Ol joǵary oqý ornynda qazaq tili men ádebieti pániniń muǵalimi mamandyǵy boiynsha bilim alǵan. Mektepte oqyp júrgende Erkin Nurjanov jáne Asqar Júnisbekovpen birge mýzykalyq trio qurǵan. Erdos Qanaevtyń kásibi shyǵarmashylyq joly 2003 jyly qurylǵan "Jigitter" kvartetimen tyǵyz bailanysty. Sol jyly top "Arai" respýblikalyq baiqaýynda bas júlde jeńip alǵan.
2004 jyly kvartettiń "Erke qyz" ánine túsirilgen alǵashqy beinebaiany jaryq kórdi. Al 2006 jyly top Almatyda tuńǵysh jeke kontsertin ótkizdi. Erdos Qanaev ánshilikten bólek, án mátinderiniń avtory retinde de belgili. Ol telebaǵdarlamalarǵa qatysyp, shyǵarmashylyǵy men ómirlik ustanymdary týraly suhbat berip keledi. Sondai-aq áleýmettik jelide otbasy qundylyqtary men bala tárbiesine qatysty pikirlerin jariialap turady.
Aita keteiik, Erdos Qanaev buǵan deiin de otbasy qundylyqtary týraly pikir bildirip, erli-zaiyptylardy ajyrasýǵa úndeitin koýchtardyń áreketin synǵa alǵan edi.
