الماتىنىڭ تٷركسٸب اۋدانىنا قاراستى «جۇلدىز-1» №18 جەنە №18ا ٷيلەردٸڭ اۋلاسىندا كٷردەلٸ جٶندەۋ جۇمىستارى اياقتالدى, دەپ حابارلايدى ult.kz.
مۇندا تۇرعىنداردىڭ دەمالۋىنا جەنە بوس ۋاقىتىن بەلسەندٸ ٶتكٸزۋٸنە قولايلى جاعداي جاسالدى. اۋلالارداعى اسفالت جابىنى تولىق جاڭارتىلىپ, جاڭا شاعىن سەۋلەت نىساندارى, جاتتىعۋ قۇرىلعىلارى, ورىندىقتار مەن قوقىس جەشٸكتەرٸ ورناتىلدى. سپورتپەن شۇعىلدانۋ جەنە بەلسەندٸ دەمالىس ٷشٸن تارتان جابىندىسى تٶسەلگەن الاڭ جابدىقتالىپ, سىرتقى جارىقتاندىرۋ جٷيەسٸ جاڭارتىلدى.
جاڭبىر جاۋعاننان جەنە قار ەرٸگەننەن كەيٸن سۋدىڭ جينالۋىن بولدىرماۋ ماقساتىندا سۋ بۇرۋ جٷيەسٸ ورناتىلدى.
بيىل تٷركسٸب اۋدانىنداعى اۋلالاردى كٷردەلٸ جٶندەۋ جۇمىستارى «جۇلدىز» شاعىناۋدانىندا جٷرگٸزٸلۋدە. جٶندەۋ ون كٶپپەتەرلٸ تۇرعىن ٷيدٸڭ جانىنداعى تٶرت اۋلا اۋماعىن قامتيدى.
سونىمەن قاتار اۋداندا 16 اۋلانى اعىمداعى جٶندەۋ جۇمىستارى اياقتالۋعا جاقىن.
تۇرعىندارعا كٶركەيتۋ بويىنشا جوبالارىن ۇسىنۋعا مٷمكٸندٸك بەرەتٸن «حالىق قاتىساتىن بيۋدجەت» باعدارلاماسىن ٸسكە اسىرۋ دا جالعاسىپ جاتىر.
2026 جىلى اتالعان باعدارلاما اياسىندا 24 جوبا قولعا الىندى. ونىڭ ٸشٸندە 11 سكۆەر مەن جٷرگٸنشٸلەر ايماعى, سەگٸز بالالار جەنە سپورت الاڭى, تٶرت اۆتوماتتى سۋارۋ جٷيەسٸ جەنە بٸر اۆتوتۇراق بار.
