Aqtaýda avtobýs dóńgeleksiz jolaýshy tasymaldady. Kólik birden qala turǵyndarynyń nazaryn aýdardy. Al, onyń videosy jelide tarady, dep habarlaidy Sputnik.
104 baǵdarly avtobýs qalada artqy bir dóńgeleksiz júrgen.
Politsiia departamenti júrgizýshiniń jeke tulǵasy anyqtalǵanyn habarlady. Kólikti paidalaný erejesin buzǵany úshin Ákimshilik quqyqbuzýshylyqtar kodeksiniń 590-babynyń 10-bóligi boiynsha oǵan qatysty hattama toltyryldy. Bul quqyqbuzýshylyq úshin 20 ailyq eseptik kórsetkish, iaǵni 61 260 teńge kóleminde aiyppul qarastyrylǵan, dep jazdy Lada.kz óńirlik basylymy.
Tehnikalyq aqaýy bar avtobýsty paidalanǵany úshin jaýapty tulǵalarǵa QR ÁQK 617-babynyń 1-bóligi boiynsha ákimshilik hattama toltyrylady.
Bul jaza laýazymdy tulǵalar, shaǵyn kásipkerlik sýbektileri úshin – 10, orta kásipkerlik sýbektilerine – 20, iri kásipkerlik sýbektilerine 40 ailyq eseptik kórsetkish mólsherinde aiyppul salýdy qarastyrady.
