اقتاۋدا اۆتوبۋس دٶڭگەلەكسٸز جولاۋشى تاسىمالدادى. كٶلٸك بٸردەن قالا تۇرعىندارىنىڭ نازارىن اۋداردى. ال, ونىڭ ۆيدەوسى جەلٸدە تارادى, دەپ حابارلايدى Sputnik.
104 باعدارلى اۆتوبۋس قالادا ارتقى بٸر دٶڭگەلەكسٸز جٷرگەن.
پوليتسييا دەپارتامەنتٸ جٷرگٸزۋشٸنٸڭ جەكە تۇلعاسى انىقتالعانىن حابارلادى. كٶلٸكتٸ پايدالانۋ ەرەجەسٸن بۇزعانى ٷشٸن ەكٸمشٸلٸك قۇقىقبۇزۋشىلىقتار كودەكسٸنٸڭ 590-بابىنىڭ 10-بٶلٸگٸ بويىنشا وعان قاتىستى حاتتاما تولتىرىلدى. بۇل قۇقىقبۇزۋشىلىق ٷشٸن 20 ايلىق ەسەپتٸك كٶرسەتكٸش, ياعني 61 260 تەڭگە كٶلەمٸندە ايىپپۇل قاراستىرىلعان, دەپ جازدى Lada.kz ٶڭٸرلٸك باسىلىمى.
تەحنيكالىق اقاۋى بار اۆتوبۋستى پايدالانعانى ٷشٸن جاۋاپتى تۇلعالارعا قر ەقك 617-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلادى.
بۇل جازا لاۋازىمدى تۇلعالار, شاعىن كەسٸپكەرلٸك سۋبەكتٸلەرٸ ٷشٸن – 10, ورتا كەسٸپكەرلٸك سۋبەكتٸلەرٸنە – 20, ٸرٸ كەسٸپكەرلٸك سۋبەكتٸلەرٸنە 40 ايلىق ەسەپتٸك كٶرسەتكٸش مٶلشەرٸندە ايىپپۇل سالۋدى قاراستىرادى.
