Foto: QR MAM
Qazannyń 1-4 kúnderi Aqtaý qalasynda Túrki mádenietin jáne ónerin damytý halyqaralyq uiymynyń (TÚRKSOI) qoldaýymen uiymdastyrylǵan «Qorqyt ata» halyqaralyq kinofestivaliniń saltanatty jabylý rásimi ótti, dep habarlaidy Ult.kz.
Túrki álemi elderiniń basyn qosqan mádeni mańyzdy is-sharaǵa rejisserler, akterler, prodiýserler men qalyń kórermen jinaldy. «Qorqyt ata» festivali Aqtaýdyń álemdik túrki kinematografiiasynyń jańa ortalyǵy retindegi mártebesin taǵy bir márte aiqyndady.
Festival aiasynda Túrki dúniesi elderiniń Kinosammiti ótti. Oǵan memlekettik organdardyń ókilderi, ulttyq kinoortalyqtar, sarapshylar men kinematografister qatysty. Sammittiń negizgi taqyryby – «Túrki álemi jáne kino: yntymaqtastyqtyń jańa kókjiekteri». Memlekettik kino saiasaty, halyqaralyq koprodýktsiianyń bolashaǵy, birlesken jobalardy júzege asyrý jáne kinematograf arqyly mádeni bailanystardy nyǵaitý máseleleri talqylandy.
Túrki álemi jurtyna ortaq is-sharada Qazaqstan Respýblikasynyń Ulttyq kinony qoldaý memlekettik ortalyǵy men Ázerbaijan, Qyrǵyzstan, Túrikmenstan, Túrkiia jáne Ózbekstannyń ulttyq kino uiymdary arasynda yntymaqtastyq týraly memorandýmdarǵa qol qoiyldy. Bul kelisimder kórkem, derekti jáne animatsiialyq filmderdi birlesip óndirýdi, sheberlik sabaqtary men seminarlar ótkizýdi, kásibi quzyrettermen almasýdy jáne túrki halyqtarynyń mádeni murasyn dáripteýdi kózdeidi.
Kinofestival baǵdarlamasyna 47 film endi. Túrli janrdaǵy jobalardy halyqaralyq qazylar alqasy saralady.Festivaldiń qorytyndysy negizinde «Úzdik kórkem film» nominatsiiasyn Qyrǵyzstannyń «Qara. Qyzyl. Sary» kórkem filmi jeńip aldy. «Úzdik rejisser» ataǵy otandyq «Joqtaý» filmin túsirgen Arýan Anartai iemdendi. «Derekti film» atalymynda qazaqstandyq «Prianiki» týyndysy top jardy. Eki film de QR Mádeniet jáne aqparat ministrligi men Ulttyq kinony qoldaý memlekettik ortalyǵynyń qoldaýymen túsirilgen.
«Úzdik stsenarii» Ázerbaijandyq «May be» filmin jazǵan Taleh Iýzbekovke buiyrdy. «Úzdik aktrisa» nominatsiiasyna «Shamskamar» kinosynda oinaǵan ózbekstandyq Iýldýz Radjabova men «Beyond the Rails» kinosyndaǵy túrkiialyq aktrisa Mine Dogan laiyq dep tanyldy. «Úzdik akter» retinde «Oil» filmimen ázerbaijandyq Parviz Mamedrzaev jeńiske jetti.
TÚRKSOI-dyń «Túrki mádenietine qosqan úlesi úshin» arnaiy syilyǵy Samal Esliamovaǵa tabys etildi. Qazylar alqasynyń arnaiy júldesi Túrkimenstannyń «Kitap», Qyrǵyzstannyń «Kachkyn» filmderine buiyrdy. «Ulttyq kinony qoldaý memlekettik ortalyǵynyń» basqarma tóraǵasy Qurmanbek Jumaǵali otandyq kinony qoldaýǵa úles qosqan «Kinopark» kinoteatrlar jelisiniń basshysy Almaz Maldybaevqa arnaiy syilyqty tabys etti.
