Qazaqstannyń eńbek sińirgen qairatkeri, ánshi Dimash Qudaibergenniń ákesi Qanat Aitbaev mektepterdegi «Qazaq tili» pánin «Qazaq tili – memlekettik til sabaǵy» dep ataýdy usyndy. Bul týraly ol Facebook paraqshasynda jazdy, dep habarlaidy ult.kz.
Qanat Aitbaevtyń pikirinshe, pánniń ataýyn osylai ózgertý arqyly oqýshylardyń sanasyna qazaq tiliniń memlekettik til retindegi mańyzyn mektep qabyrǵasynan bastap sińirýge bolady.
«Bulai ataý – mektep qabyrǵasynan bastap qazaq tiliniń memlekettik til ekendigin, onyń asa mańyzdylyǵyn kúndelikti óskeleń urpaqtyń sanasyna sińiredi», – dep jazdy ol.
Sondai-aq ol memlekettik til sabaǵyna nemquraily qaraý, sabaqqa durys qatyspaý nemese tómen baǵa alý máselesine nazar aýdardy. Onyń pikirinshe, qazaq tiline qurmetpen qaraý oqýshynyń jaýapkershiliginen de kórinýi kerek.
Qanat Aitbaev memlekettik tilden emtihanda alǵan baǵa joǵary oqý ornyna túsý kezinde eskeriletin mańyzdy kórsetkishterdiń biri bolýǵa tiis dep sanaidy.
Ol bul bastama balalardyń qazaq tiline degen qurmetin arttyryp, memlekettik tildiń mańyzyn tereń túsinýine yqpal etedi dep esepteidi.
