قازاقستاننىڭ ەڭبەك سٸڭٸرگەن قايراتكەرٸ, ەنشٸ ديماش قۇدايبەرگەننٸڭ ەكەسٸ قانات ايتباەۆ مەكتەپتەردەگٸ «قازاق تٸلٸ» پەنٸن «قازاق تٸلٸ – مەملەكەتتٸك تٸل ساباعى» دەپ اتاۋدى ۇسىندى. بۇل تۋرالى ول Facebook پاراقشاسىندا جازدى, دەپ حابارلايدى ult.kz.
قانات ايتباەۆتىڭ پٸكٸرٸنشە, پەننٸڭ اتاۋىن وسىلاي ٶزگەرتۋ ارقىلى وقۋشىلاردىڭ ساناسىنا قازاق تٸلٸنٸڭ مەملەكەتتٸك تٸل رەتٸندەگٸ ماڭىزىن مەكتەپ قابىرعاسىنان باستاپ سٸڭٸرۋگە بولادى.
«بۇلاي اتاۋ – مەكتەپ قابىرعاسىنان باستاپ قازاق تٸلٸنٸڭ مەملەكەتتٸك تٸل ەكەندٸگٸن, ونىڭ اسا ماڭىزدىلىعىن كٷندەلٸكتٸ ٶسكەلەڭ ۇرپاقتىڭ ساناسىنا سٸڭٸرەدٸ», – دەپ جازدى ول.
سونداي-اق ول مەملەكەتتٸك تٸل ساباعىنا نەمقۇرايلى قاراۋ, ساباققا دۇرىس قاتىسپاۋ نەمەسە تٶمەن باعا الۋ مەسەلەسٸنە نازار اۋداردى. ونىڭ پٸكٸرٸنشە, قازاق تٸلٸنە قۇرمەتپەن قاراۋ وقۋشىنىڭ جاۋاپكەرشٸلٸگٸنەن دە كٶرٸنۋٸ كەرەك.
قانات ايتباەۆ مەملەكەتتٸك تٸلدەن ەمتيحاندا العان باعا جوعارى وقۋ ورنىنا تٷسۋ كەزٸندە ەسكەرٸلەتٸن ماڭىزدى كٶرسەتكٸشتەردٸڭ بٸرٸ بولۋعا تيٸس دەپ سانايدى.
ول بۇل باستاما بالالاردىڭ قازاق تٸلٸنە دەگەن قۇرمەتٸن ارتتىرىپ, مەملەكەتتٸك تٸلدٸڭ ماڭىزىن تەرەڭ تٷسٸنۋٸنە ىقپال ەتەدٸ دەپ ەسەپتەيدٸ.
