Memleket basshysy Qasym-Jomart Toqaev Premer-ministr Oljas Bektenovpen jáne Quryltai tóraǵasy Aibek Dádebaimen barlyq deńgeidegi máslihattardyń ókilettigin merziminen buryn toqtatý máselesi boiynsha konsýltatsiia ótkizdi, dep habarlaidy ult.kz.
Aqorda málimetinshe, kezdesýde Prezident máslihattardyń azamattardyń zańdy múddelerin qorǵaý, jergilikti biýdjetterdi bekitý jáne óńirlerdiń damýyn baqylaýdaǵy rólin atap ótti.
Sondai-aq Qasym-Jomart Toqaev depýtattyq korpýsty jańartý jergilikti ókildi organdardyń qyzmetin kúsheitetinine senim bildirdi.
Konstitýtsiianyń 88-babynyń 5-tarmaǵyna sáikes ótken konsýltatsiialar barysynda Premer-ministr men Quryltai tóraǵasy óz usynystaryn jetkizdi.
Kezdesý qorytyndysy boiynsha Memleket basshysy aitylǵan pikirlerdi eskere otyryp, Konstitýtsiia talaptaryna sai túpkilikti sheshim qabyldaitynyn málimdedi.
