Qazaqstan halyqaralyq World Population Review statistikalyq platformasy jariialaǵan Most Powerful Countries 2026 reitinginde 100 memlekettiń arasynda 34-orynǵa turaqtady, dep habarlaidy Ult.kz.
Qazaqstan Daniia (36-oryn), Birikken Arab Ámirlikteri (37-oryn), Ońtústik Afrika Respýblikasy (38-oryn), Norvegiia (39-oryn), Saýd Arabiiasy (40-oryn), Pákistan (42-oryn) jáne Iran (46-oryn) sekildi birqatar memleketten ozyq tur.
Reiting neni baǵalaidy?
Reiting memleketterdiń halyqaralyq arenadaǵy qýaty men yqpalyn baǵalaidy. Bul rette elderdiń ekonomikalyq jáne saiasi yqpaly, kóshbasshylyq róli, halyqaralyq odaqtastyq bailanystary men áskeri áleýeti eskeriledi. Osylaisha memleketterdiń ekonomikalyq aýqymy ǵana emes, álemdik arenadaǵy bedeli men yqpaldy orny da baǵalanady.
Reitingige engen postkeńestik memleketter arasynda Qazaqstan Reseiden (11-oryn) keiin ekinshi orynǵa jaiǵasqan. Al Ýkraina 51-oryn, Litva 56-oryn, Belarýs 57-oryn, Ózbekstan 71-oryn, Latviia 74-oryn, Estoniia 75-oryn, Armeniia 80-oryn jáne Grýziia 91-oryn ielengen.
Reitingtiń alǵashqy úshtigine Qytai, AQSh jáne Úndistan endi. Alǵashqy ondyqqa sondai-aq Germaniia, Japoniia, Ońtústik Koreia, Frantsiia, Ulybritaniia, Meksika jáne Italiia kirdi.
Qazaqstannyń álemdik reitingte 34-orynnan kórinýi — elimizdiń halyqaralyq arenadaǵy orny men yqpalyn aiqyndaityn mańyzdy kórsetkish. Bul nátije memlekettiń ekonomikalyq áleýeti, saiasi salmaǵy, áskeri qýaty men halyqaralyq bailanystary sekildi birqatar ólshem negizinde qalyptasqan baǵalaýdy kórsetedi.
Buǵan deiin halyqaralyq reiting agenttikteri Qazaqstan ekonomikasynyń damý qarqynyna oń baǵa bergen bolatyn.
