فوتو: قر مام
قازاننىڭ 1-4 كٷندەرٸ اقتاۋ قالاسىندا تٷركٸ مەدەنيەتٸن جەنە ٶنەرٸن دامىتۋ حالىقارالىق ۇيىمىنىڭ (تٷركسوي) قولداۋىمەن ۇيىمداستىرىلعان «قورقىت اتا» حالىقارالىق كينوفەستيۆالٸنٸڭ سالتاناتتى جابىلۋ رەسٸمٸ ٶتتٸ, دەپ حابارلايدى Ult.kz.
تٷركٸ ەلەمٸ ەلدەرٸنٸڭ باسىن قوسقان مەدەني ماڭىزدى ٸس-شاراعا رەجيسسەرلەر, اكتەرلەر, پروديۋسەرلەر مەن قالىڭ كٶرەرمەن جينالدى. «قورقىت اتا» فەستيۆالٸ اقتاۋدىڭ ەلەمدٸك تٷركٸ كينەماتوگرافيياسىنىڭ جاڭا ورتالىعى رەتٸندەگٸ مەرتەبەسٸن تاعى بٸر مەرتە ايقىندادى.
فەستيۆال اياسىندا تٷركٸ دٷنيەسٸ ەلدەرٸنٸڭ كينوسامميتٸ ٶتتٸ. وعان مەملەكەتتٸك ورگانداردىڭ ٶكٸلدەرٸ, ۇلتتىق كينوورتالىقتار, ساراپشىلار مەن كينەماتوگرافيستەر قاتىستى. سامميتتٸڭ نەگٸزگٸ تاقىرىبى – «تٷركٸ ەلەمٸ جەنە كينو: ىنتىماقتاستىقتىڭ جاڭا كٶكجيەكتەرٸ». مەملەكەتتٸك كينو ساياساتى, حالىقارالىق كوپرودۋكتسييانىڭ بولاشاعى, بٸرلەسكەن جوبالاردى جٷزەگە اسىرۋ جەنە كينەماتوگراف ارقىلى مەدەني بايلانىستاردى نىعايتۋ مەسەلەلەرٸ تالقىلاندى.
تٷركٸ ەلەمٸ جۇرتىنا ورتاق ٸس-شارادا قازاقستان رەسپۋبليكاسىنىڭ ۇلتتىق كينونى قولداۋ مەملەكەتتٸك ورتالىعى مەن ەزەربايجان, قىرعىزستان, تٷرٸكمەنستان, تٷركييا جەنە ٶزبەكستاننىڭ ۇلتتىق كينو ۇيىمدارى اراسىندا ىنتىماقتاستىق تۋرالى مەموراندۋمدارعا قول قويىلدى. بۇل كەلٸسٸمدەر كٶركەم, دەرەكتٸ جەنە انيماتسييالىق فيلمدەردٸ بٸرلەسٸپ ٶندٸرۋدٸ, شەبەرلٸك ساباقتارى مەن سەمينارلار ٶتكٸزۋدٸ, كەسٸبي قۇزىرەتتەرمەن الماسۋدى جەنە تٷركٸ حالىقتارىنىڭ مەدەني مۇراسىن دەرٸپتەۋدٸ كٶزدەيدٸ.
كينوفەستيۆال باعدارلاماسىنا 47 فيلم ەندٸ. تٷرلٸ جانرداعى جوبالاردى حالىقارالىق قازىلار القاسى سارالادى.فەستيۆالدٸڭ قورىتىندىسى نەگٸزٸندە «ٷزدٸك كٶركەم فيلم» نوميناتسيياسىن قىرعىزستاننىڭ «قارا. قىزىل. سارى» كٶركەم فيلمٸ جەڭٸپ الدى. «ٷزدٸك رەجيسسەر» اتاعى وتاندىق «جوقتاۋ» فيلمٸن تٷسٸرگەن ارۋان انارتاي يەمدەندٸ. «دەرەكتٸ فيلم» اتالىمىندا قازاقستاندىق «پريانيكي» تۋىندىسى توپ جاردى. ەكٸ فيلم دە قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن.
«ٷزدٸك ستسەناريي» ەزەربايجاندىق «May be» فيلمٸن جازعان تالەح يۋزبەكوۆكە بۇيىردى. «ٷزدٸك اكتريسا» نوميناتسيياسىنا «Shamskamar» كينوسىندا ويناعان ٶزبەكستاندىق يۋلدۋز رادجابوۆا مەن «Beyond the Rails» كينوسىنداعى تٷركييالىق اكتريسا مينە دوگان لايىق دەپ تانىلدى. «ٷزدٸك اكتەر» رەتٸندە «Oil» فيلمٸمەن ەزەربايجاندىق پارۆيز مامەدرزاەۆ جەڭٸسكە جەتتٸ.
تٷركسوي-دىڭ «تٷركٸ مەدەنيەتٸنە قوسقان ٷلەسٸ ٷشٸن» ارنايى سىيلىعى سامال ەسلياموۆاعا تابىس ەتٸلدٸ. قازىلار القاسىنىڭ ارنايى جٷلدەسٸ تٷركٸمەنستاننىڭ «كٸتاپ», قىرعىزستاننىڭ «Kachkyn» فيلمدەرٸنە بۇيىردى. «ۇلتتىق كينونى قولداۋ مەملەكەتتٸك ورتالىعىنىڭ» باسقارما تٶراعاسى قۇرمانبەك جۇماعالي وتاندىق كينونى قولداۋعا ٷلەس قوسقان «كينوپارك» كينوتەاترلار جەلٸسٸنٸڭ باسشىسى الماز مالدىباەۆقا ارنايى سىيلىقتى تابىس ەتتٸ.
