قازاقستان مەن بەلگييا كٶلٸك-لوگيستيكا, ەنەرگەتيكا, ٶنەركەسٸپ, اۋىل شارۋاشىلىعى, تسيفرلاندىرۋ جەنە باسقا دا سالالارداعى ىنتىماقتاستىقتى كەڭەيتۋدٸ كٶزدەپ وتىر. بۇل تۋرالى قاسىم-جومارت توقاەۆ بەلگييا كورولٸ فيليپپپەن كەزدەسۋدەن كەيٸنگٸ بريفينگتە ايتتى, دەپ حابارلايدى ult.kz.
مەملەكەت باسشىسىنىڭ ايتۋىنشا, بەلگييا قازاقستاننىڭ جەتەكشٸ ينۆەستيتسييالىق سەرٸكتەستەرٸنٸڭ بٸرٸ سانالادى. 2005 جىلدان بەرٸ بەلگييانىڭ قازاقستان ەكونوميكاسىنا سالعان ينۆەستيتسيياسى 15 ميلليارد دوللاردان اسقان.
«ەلدەرٸمٸز اراسىندا قانداي دا بٸر ساياسي قايشىلىق نەمەسە شەشٸلمەگەن مەسەلە جوق. بۇل بارلىق باعىتتا ىنتىماقتاستىقتى كەڭەيتۋگە بەرٸك نەگٸز قالايدى», – دەدٸ پرەزيدەنت.
توقاەۆتىڭ سٶزٸنشە, تاراپتار اسا ماڭىزدى مينەرالدار, ەنەرگەتيكا, ٶنەركەسٸپ, اۋىل شارۋاشىلىعى, بيوتەحنولوگييا, تسيفرلاندىرۋ جەنە عارىش تەحنولوگييالارى سالالارىندا جاڭا جوبالاردى ٸسكە اسىرۋعا ۋاعدالاسقان. پرەزيدەنت قازاقستاندا بەلگييالىق ينۆەستورلارعا قولايلى جاعداي جاسالاتىنىن جەنە بۇل جۇمىستىڭ ورىندالۋىن ٶزٸ قاداعالايتىنىن ايتتى.
سونداي-اق ەرتەڭ قازاقستان-بەلگييا ٸسكەرلٸك كەڭەسٸ, رەكتورلار فورۋمى جەنە اسا ماڭىزدى ماتەريالدارعا ارنالعان دٶڭگەلەك ٷستەل ٶتەدٸ. ٸس-شارالار قورىتىندىسى بويىنشا ەكٸجاقتى سەرٸكتەستٸكتٸ دامىتۋعا باعىتتالعان ونداعان كەلٸسٸم مەن قۇجاتقا قول قويۋ جوسپارلانعان.
مەدەني-گۋمانيتارلىق سالادا دا ىنتىماقتاستىقتى كەڭەيتۋ كٶزدەلٸپ وتىر. اتاپ ايتقاندا, ەكٸ ەلدٸڭ ۋنيۆەرسيتەتتەرٸ, مۋزەيلەرٸ مەن مەدەني مەكەمەلەرٸ اراسىندا تٸكەلەي بايلانىس ورناتۋ, بٸرلەسكەن بٸلٸم بەرۋ باعدارلامالارىن دامىتۋ جەنە اكادەمييالىق تەجٸريبە الماسۋ جوسپارلانعان.
پرەزيدەنت قازاقستاننىڭ ۇلتتىق مۋزەيٸندە بەلگييالىق سۋرەتشٸ دجەيمس ەنسوردىڭ تۋىندىلارى تانىستىرىلعانىن اتاپ ٶتتٸ. سونىمەن قاتار Almaty Museum of Arts پەن KANAL-Centre Pompidou اراسىنداعى ىنتىماقتاستىقتى قولدايتىنىن جەتكٸزدٸ.
بۇدان بٶلەك, قىزمەتتٸك پاسپورت يەلەرٸن ۆيزا تالاپتارىنان بوساتۋ تۋرالى كەلٸسٸمگە ٶزگەرٸستەر ەنگٸزۋ ارقىلى ەكٸ ەل اراسىنداعى ساپارلاردى جەڭٸلدەتۋ جٶنٸندە ۋاعدالاستىققا قول جەتكٸزٸلگەن.
توقاەۆ قازاقستان مەن بەلگييا حالىقارالىق قۇقىق نورمالارىن ساقتاۋعا, كٶپجاقتى ىنتىماقتاستىقتى نىعايتۋعا جەنە قاقتىعىستاردى بەيبٸت جولمەن شەشۋگە مٷددەلٸ ەكەنٸن ايتتى.
مەملەكەت باسشىسى بەلگييانىڭ ۇلتتىق ۇرانى «L’union fait la force» قازاقتىڭ «بٸرلٸك بار جەردە تٸرلٸك بار» دەگەن ماقالىمەن ماعىنالاس ەكەنٸن اتاپ ٶتٸپ, بۇل مەملەكەتتٸك ساپار ەكٸ ەل اراسىنداعى قارىم-قاتىناستى دامىتۋدا ماڭىزدى كەزەڭ بولاتىنىنا سەنٸم بٸلدٸردٸ.
