Qazaqstan men Belgiia kólik-logistika, energetika, ónerkásip, aýyl sharýashylyǵy, tsifrlandyrý jáne basqa da salalardaǵy yntymaqtastyqty keńeitýdi kózdep otyr. Bul týraly Qasym-Jomart Toqaev Belgiia Koroli Filipppen kezdesýden keiingi brifingte aitty, dep habarlaidy ult.kz.
Memleket basshysynyń aitýynsha, Belgiia Qazaqstannyń jetekshi investitsiialyq seriktesteriniń biri sanalady. 2005 jyldan beri Belgiianyń Qazaqstan ekonomikasyna salǵan investitsiiasy 15 milliard dollardan asqan.
«Elderimiz arasynda qandai da bir saiasi qaishylyq nemese sheshilmegen másele joq. Bul barlyq baǵytta yntymaqtastyqty keńeitýge berik negiz qalaidy», – dedi Prezident.
Toqaevtyń sózinshe, taraptar asa mańyzdy mineraldar, energetika, ónerkásip, aýyl sharýashylyǵy, biotehnologiia, tsifrlandyrý jáne ǵarysh tehnologiialary salalarynda jańa jobalardy iske asyrýǵa ýaǵdalasqan. Prezident Qazaqstanda belgiialyq investorlarǵa qolaily jaǵdai jasalatynyn jáne bul jumystyń oryndalýyn ózi qadaǵalaitynyn aitty.
Sondai-aq erteń Qazaqstan-Belgiia iskerlik keńesi, rektorlar forýmy jáne asa mańyzdy materialdarǵa arnalǵan dóńgelek ústel ótedi. Is-sharalar qorytyndysy boiynsha ekijaqty seriktestikti damytýǵa baǵyttalǵan ondaǵan kelisim men qujatqa qol qoiý josparlanǵan.
Mádeni-gýmanitarlyq salada da yntymaqtastyqty keńeitý kózdelip otyr. Atap aitqanda, eki eldiń ýniversitetteri, mýzeileri men mádeni mekemeleri arasynda tikelei bailanys ornatý, birlesken bilim berý baǵdarlamalaryn damytý jáne akademiialyq tájiribe almasý josparlanǵan.
Prezident Qazaqstannyń Ulttyq mýzeiinde belgiialyq sýretshi Djeims Ensordyń týyndylary tanystyrylǵanyn atap ótti. Sonymen qatar Almaty Museum of Arts pen KANAL-Centre Pompidou arasyndaǵy yntymaqtastyqty qoldaitynyn jetkizdi.
Budan bólek, qyzmettik pasport ielerin viza talaptarynan bosatý týraly kelisimge ózgerister engizý arqyly eki el arasyndaǵy saparlardy jeńildetý jóninde ýaǵdalastyqqa qol jetkizilgen.
Toqaev Qazaqstan men Belgiia halyqaralyq quqyq normalaryn saqtaýǵa, kópjaqty yntymaqtastyqty nyǵaitýǵa jáne qaqtyǵystardy beibit jolmen sheshýge múddeli ekenin aitty.
Memleket basshysy Belgiianyń ulttyq urany «L’union fait la force» qazaqtyń «Birlik bar jerde tirlik bar» degen maqalymen maǵynalas ekenin atap ótip, bul memlekettik sapar eki el arasyndaǵy qarym-qatynasty damytýda mańyzdy kezeń bolatynyna senim bildirdi.
