Pavlodar oblysynda kámeletke tolmaǵan qyz balalardy birneshe jyl boiy zorlap kelgen aiyptalýshyǵa qatysty sot úkimi shyqty, dep habarlaidy "Ult aqparat".
Qylmystyq is Pavlodar oblystyq qylmystyq ister jónindegi mamandandyrylǵan aýdanaralyq sotynda qaralǵan.
Alqa bilerdiń qatysýymen ótken sotta aiyptalýshyǵa Qylmystyq kodekstiń birneshe baby (120, 121, 296, 287 baptarynyń bólikteri) boiynsha aiyp taǵylǵan.
«Sot barysynda J. atty azamattyń 2016 jylǵy 26 naýryz ben 2020 jylǵy 4 qańtar aralyǵynda kámeletke tolmaǵan qyzdardy zorlaǵany anyqtalǵan. Sonymen qatar kámeletke tolmaǵan úsh qyzǵa seksýaldy sipattaǵy zorlyq áreketin jasaǵan. Onyń úiin tintý barysynda qarý men esirtki tabylǵan» delingen Pavlodar oblystyq qylmystyq ister jónindegi mamandandyrylǵan aýdanaralyq soty baspasóz qyzmetiniń habarlamasynda.
Sot otyrysynda taǵylǵan aiyp boiynsha epizodtarda J-nyń kinási dáleldendi.
Ol ómir boiyna bas bostandyǵynan aiyryldy.
Úkim zańdy kúshine engen joq.
