Foto: Altynai Saǵyndyqova/Kazinform
Aqsý ferroqorytpa zaýytynda óndiristik protsess barysynda úsh jumyskerdi kúiik shalǵan. Aldyn ala málimetter boiynsha balqytý tsehyndaǵy peshten shihta materialdary ushqan. Jumyskerler sodan kúigen bolýy kerek.
- Zardap shekkender Aqsý ortalyq aýrýhanasyna jetkizildi. Olardyń biri jansaqtaý bóliminde, ekinshisi statsionarda em qabyldap jatyr. Al úshinshisi ambýlatoriialyq emdeýde. Oazataiym oqiǵa týraly memlekettik organdarǵa habarlandy, tergeý bastaldy. Kompaniia qyzmetkerlerge qajetti kómekti kórsetip jatyr,-dep habarlady zaýyttyń baspasóz qyzmetinen.
Politsiia eńbekti qorǵaý erejelerin buzý deregi boiynsha qylmystyq is qozǵady. Oqiǵanyń mán-jaiy men sebepteri tergeý barysynda anyqtalatyn bolady.
Eske sala keteiik, byltyr Aqsý ferroqorytpa zaýytynyń eki mashinisi kúiip qalǵan.
Keiin olardyń biri aýrýhanada kóz jumdy.
