فوتو: التىناي ساعىندىقوۆا/Kazinform
اقسۋ فەرروقورىتپا زاۋىتىندا ٶندٸرٸستٸك پروتسەسس بارىسىندا ٷش جۇمىسكەردٸ كٷيٸك شالعان. الدىن الا مەلٸمەتتەر بويىنشا بالقىتۋ تسەحىنداعى پەشتەن شيحتا ماتەريالدارى ۇشقان. جۇمىسكەرلەر سودان كٷيگەن بولۋى كەرەك.
- زارداپ شەككەندەر اقسۋ ورتالىق اۋرۋحاناسىنا جەتكٸزٸلدٸ. ولاردىڭ بٸرٸ جانساقتاۋ بٶلٸمٸندە, ەكٸنشٸسٸ ستاتسيوناردا ەم قابىلداپ جاتىر. ال ٷشٸنشٸسٸ امبۋلاتورييالىق ەمدەۋدە. وازاتايىم وقيعا تۋرالى مەملەكەتتٸك ورگاندارعا حابارلاندى, تەرگەۋ باستالدى. كومپانييا قىزمەتكەرلەرگە قاجەتتٸ كٶمەكتٸ كٶرسەتٸپ جاتىر,-دەپ حابارلادى زاۋىتتىڭ باسپاسٶز قىزمەتٸنەن.
پوليتسييا ەڭبەكتٸ قورعاۋ ەرەجەلەرٸن بۇزۋ دەرەگٸ بويىنشا قىلمىستىق ٸس قوزعادى. وقيعانىڭ مەن-جايى مەن سەبەپتەرٸ تەرگەۋ بارىسىندا انىقتالاتىن بولادى.
ەسكە سالا كەتەيٸك, بىلتىر اقسۋ فەرروقورىتپا زاۋىتىنىڭ ەكٸ ماشينيسٸ كٷيٸپ قالعان.
كەيٸن ولاردىڭ بٸرٸ اۋرۋحانادا كٶز جۇمدى.
