Jarty ǵasyrǵa jýyq ýaqyt AQSh-tyń saiasi ómirine belsendi qatysýshylardyń biri bolǵan demokrat Djo Baiden, Amerikanyń 46-ynshy Prezidenti retinde laýazymyna resmi kiristi. 78 jastaǵy Baiden el tarihyndaǵy eń qart basshy bolyp otyr. Ol buǵan deiin 36 jyl - senator, 8 jyl vitse-prezident qyzmetin atqardy. Ulyqtaý rásiminde Prezident retinde ant berip, AQSh Konstitýtsiiasyn jáne eldi ishki jáne syrtqy jaýlardan qorǵaýǵa sert etti. Bul týraly «Golos Ameriki» jańalyqtar qyzmeti habarlady.
Sharaǵa qatysýshylar aldynda sóz sóilegen AQSh-tyń 46-ynshy Prezidenti búgingi kún – demokratiia jeńiske jetken kún bolǵanyn atap ótti.
«Bul – uly memleket jáne biz – jaqsy adambyz», - dedi Baiden. Onyń aitýynsha, elde kóptegen dúnieni qaita jóndep, jańadan qurý qajet.
«Biz úlken isterdi júzege asyrýǵa qaýharlymyz», - dedi ol.
«Tarih, senim jáne aqyl-parasat – bizge birlikke bastar joldy kórsetedi», - dep qosty Prezident.
Baiden amerika qoǵamyndaǵy kelispeýshilikter jikke bólinýge alyp kelmeýi tiistigin eske saldy. Ol barsha amerikalyqtyń prezidenti bolatynyn basa aitty. «Biz azamattyq emes bul soǵysty toqtatýymyz kerek... Atqarylýy tiis isterdi júzege asyrý kezinde biz bir-birimizge qajet bolamyz», - dedi AQSh basshysy.
Eldiń 46-ynshy prezidenti sheshimin tabýy tiis túiitkilderdiń arasynda artyp kele jatqan teńsizdik pen júieli násilshildik baryn atap ótti.
Inaýgýratsiia aiaqtalǵan soń Djo Baiden men vitse-prezident Kamala Harris Arlington ulttyq ziratyndaǵy Belgisiz soldat beiitine gúl shoqtaryn qoiý rásimine qatysty.
Málim etilgendei, odan keiin AQSh-tyń jańadan sailanǵan Prezidenti birqatar qujatqa qol qoidy.
Buǵan deiin habarlaǵanymyzdai, sársenbi kúni Djo Baiden AQSh Prezidenti laýazymyna resmi kiristi. Al Kamala Harris vitse-prezident boldy.
Eske salaiyq, 2020 jyldyń 6 qańtary kúni AQSh Kongresi sailaýshylardyń daýysyn eseptep, 2020 jylǵy prezident sailaýynyń qorytyndysyn shyǵarý úshin jinalǵan bolatyn. Sailaýda demokrattar partiiasynyń ókili Djo Baiden jeńiske jetken edi. Alaida, buǵan deiingi prezident Donald Tramptyń jaqtastary jappai narazylyq aktsiiasyn bastap, olardyń bir toby Kongress ǵimaratyna basyp kirdi. Saldarynan 4 adam qaza boldy.
Osydan keiin AQSh Kongresiniń ókilder palatasyna Donald Tramptyń impichmenti týraly resmi rezoliýtsiia engizildi. Ol búlikke azǵyrdy dep aiyptalýda. Senatta bul másele qashan qaralatyny áli jariialanǵan joq. Tramp kináli dep tanylǵan jaǵdaida, oǵan memlekettik laýazymdarǵa qaita taǵaiyndalýǵa tyiym salynýy múmkin.
2021 jyldyń 7 qańtary kúni Djo Baiden AQSh Prezidenti retinde resmi tanyldy.
