Foto: Qarjylyq monitoring agenttigi
QMA Almaty qalasy boiynsha departamenti memlekettik shekara arqyly esirtki zattaryn zańsyz ótkizý faktisi boiynsha bir top adamǵa qatysty sotqa deiingi tergep-tekserýdi aiaqtady, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Eske sala keteiik, Almaty turǵyny AQSh-tan poshta jóneltilimderin alý kezinde ustalǵan bolatyn. Odan 649 gr. keptirilgen marihýana men 676 gr. gashish esirtkileri tabylyp, tárkilengen edi.
"Tekserý is-sharalaryn júrgizý kezinde memlekettik shekara arqyly asa iri mólsherde esirtki zattaryn zańsyz ótkizýmen jáne Telegram messendjeri arqyly satýmen ainalysqan adamdar toby anyqtaldy. Sondai-aq, olardan 705 gr. marihýana men 1266 gr. gashish esirtki zattary tabylyp, tárkilendi.
Sot úkimimen kináli jeti adam 3 jyldan 16,5 jylǵa deiin bas bostandyǵynan aiyryldy.
Qarjylyq monitoring agenttigi qabyldaǵan sharalardyń nátijesinde AQSh-tan QR-ǵa esirtki kontrabanda arnasynyń jáne Almaty qalasynyń aýmaǵynda esirtkini taratatyn birneshe Telegram-arnanyń qyzmeti joiyldy.
Qurmetti ata-analar! Sizden balańyzdyń qaraityn kontentine, onyń minez-qulqyna, densaýlyǵyna, ainalasyna jáne satyp alýlaryna nazar aýdarýyńyzdy suraimyz. Kez-kelgen túrdegi nemese mólsherdegi esirtki zattary adam densaýlyǵyna, ásirese jasóspirimderge orny tolmas ziian keltiredi" - delingen habarlamada.
