فوتو: قارجىلىق مونيتورينگ اگەنتتٸگٸ
قما الماتى قالاسى بويىنشا دەپارتامەنتٸ مەملەكەتتٸك شەكارا ارقىلى ەسٸرتكٸ زاتتارىن زاڭسىز ٶتكٸزۋ فاكتٸسٸ بويىنشا بٸر توپ ادامعا قاتىستى سوتقا دەيٸنگٸ تەرگەپ-تەكسەرۋدٸ اياقتادى, دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
ەسكە سالا كەتەيٸك, الماتى تۇرعىنى اقش-تان پوشتا جٶنەلتٸلٸمدەرٸن الۋ كەزٸندە ۇستالعان بولاتىن. ودان 649 گر. كەپتٸرٸلگەن ماريحۋانا مەن 676 گر. گاشيش ەسٸرتكٸلەرٸ تابىلىپ, تەركٸلەنگەن ەدٸ.
"تەكسەرۋ ٸس-شارالارىن جٷرگٸزۋ كەزٸندە مەملەكەتتٸك شەكارا ارقىلى اسا ٸرٸ مٶلشەردە ەسٸرتكٸ زاتتارىن زاڭسىز ٶتكٸزۋمەن جەنە Telegram مەسسەندجەرٸ ارقىلى ساتۋمەن اينالىسقان ادامدار توبى انىقتالدى. سونداي-اق, ولاردان 705 گر. ماريحۋانا مەن 1266 گر. گاشيش ەسٸرتكٸ زاتتارى تابىلىپ, تەركٸلەندٸ.
سوت ٷكٸمٸمەن كٸنەلٸ جەتٸ ادام 3 جىلدان 16,5 جىلعا دەيٸن باس بوستاندىعىنان ايىرىلدى.
قارجىلىق مونيتورينگ اگەنتتٸگٸ قابىلداعان شارالاردىڭ نەتيجەسٸندە اقش-تان قر-عا ەسٸرتكٸ كونتراباندا ارناسىنىڭ جەنە الماتى قالاسىنىڭ اۋماعىندا ەسٸرتكٸنٸ تاراتاتىن بٸرنەشە Telegram-ارنانىڭ قىزمەتٸ جويىلدى.
قۇرمەتتٸ اتا-انالار! سٸزدەن بالاڭىزدىڭ قارايتىن كونتەنتٸنە, ونىڭ مٸنەز-قۇلقىنا, دەنساۋلىعىنا, اينالاسىنا جەنە ساتىپ الۋلارىنا نازار اۋدارۋىڭىزدى سۇرايمىز. كەز-كەلگەن تٷردەگٸ نەمەسە مٶلشەردەگٸ ەسٸرتكٸ زاتتارى ادام دەنساۋلىعىنا, ەسٸرەسە جاسٶسپٸرٸمدەرگە ورنى تولماس زييان كەلتٸرەدٸ" - دەلٸنگەن حابارلامادا.
