Vashingtonda «1930 jyldardaǵy Qazaqstandaǵy Asharshylyqty eske alý» taqyrybynda onlain dóńgelek ústel ótti, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Is-sharany Qazaqstannyń AQSh-taǵy Elshiligi Djordj Vashington ýniversiteti (GWU) janyndaǵy Ortalyq Aziia baǵdarlamasymen birlese uiymdastyrdy.
Dóńgelek ústel aiasynda Merilend ýniversitetiniń professory, Asharshylyq týraly kitaptyń avtory Sara Kemeron, GWU Halyqaralyq qatynastar fakýltetiniń dekany Piter Rollberg, qazaqstandyq saiasattanýshy jáne «Táýekelderdi baǵalaý tobynyń» direktory Dosym Satpaev, GWU janyndaǵy Eýropalyq, reseilik jáne eýraziialyq zertteýler institýtynyń direktory Marlen Larýel sóz sóiledi.
Is-sharany asha otyryp, Qazaqstan Elshisi Erjan Ashyqbaev Asharshylyq tragediiasynyń ult tarihynda alatyn erekshe orny týraly túsinikteme berip, bul taqyrypty qoldan saiasilandyrmai, ony birinshi kezekte ǵylymi turǵyda keshendi zertteý qajettiligine negizdelgen ustanym basym bolýy tiis ekenine erekshe toqtaldy.
Asharshylyqtyń sebepteri men saldaryn sipattai otyryp, S. Kemeron bul oqiǵalardy zertteýde orys tilindegi qujattarmen qatar qazaq tilindegi derekkózderdi qoldanyp, oǵan barynsha obektivti qaraýǵa múddeli ekenin eskertti. Sonymen birge atalǵan taqyrypqa ǵylymi qoǵamdastyqtyń qyzyǵýshylyǵy artyp kele jatqanyn jáne ony AQSh-ta osyndai is-shara aiasynda alǵashqy ret talqylanyp otyrǵanyn atap ótti.
Óz kezeginde D. Satpaev óziniń mádeni-aǵartý qorynyń qatysýymen S. Kemeron kitabynyń qazaq tilinde jaryq kórýi Qazaqstannyń jas urpaǵynyń ult tarihyndaǵy osy qaiǵyly kezeńdi tereń túsinýine úles qosatynyna senim bildirdi.
