ۆاشينگتوندا «1930 جىلدارداعى قازاقستانداعى اشارشىلىقتى ەسكە الۋ» تاقىرىبىندا ونلاين دٶڭگەلەك ٷستەل ٶتتٸ, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ٸس-شارانى قازاقستاننىڭ اقش-تاعى ەلشٸلٸگٸ دجوردج ۆاشينگتون ۋنيۆەرسيتەتٸ (GWU) جانىنداعى ورتالىق ازييا باعدارلاماسىمەن بٸرلەسە ۇيىمداستىردى.
دٶڭگەلەك ٷستەل اياسىندا مەريلەند ۋنيۆەرسيتەتٸنٸڭ پروفەسسورى, اشارشىلىق تۋرالى كٸتاپتىڭ اۆتورى سارا كەمەرون, GWU حالىقارالىق قاتىناستار فاكۋلتەتٸنٸڭ دەكانى پيتەر روللبەرگ, قازاقستاندىق ساياساتتانۋشى جەنە «تەۋەكەلدەردٸ باعالاۋ توبىنىڭ» ديرەكتورى دوسىم ساتپاەۆ, GWU جانىنداعى ەۋروپالىق, رەسەيلٸك جەنە ەۋرازييالىق زەرتتەۋلەر ينستيتۋتىنىڭ ديرەكتورى مارلەن لارۋەل سٶز سٶيلەدٸ.
ٸس-شارانى اشا وتىرىپ, قازاقستان ەلشٸسٸ ەرجان اشىقباەۆ اشارشىلىق تراگەديياسىنىڭ ۇلت تاريحىندا الاتىن ەرەكشە ورنى تۋرالى تٷسٸنٸكتەمە بەرٸپ, بۇل تاقىرىپتى قولدان ساياسيلاندىرماي, ونى بٸرٸنشٸ كەزەكتە عىلىمي تۇرعىدا كەشەندٸ زەرتتەۋ قاجەتتٸلٸگٸنە نەگٸزدەلگەن ۇستانىم باسىم بولۋى تيٸس ەكەنٸنە ەرەكشە توقتالدى.
اشارشىلىقتىڭ سەبەپتەرٸ مەن سالدارىن سيپاتتاي وتىرىپ, س. كەمەرون بۇل وقيعالاردى زەرتتەۋدە ورىس تٸلٸندەگٸ قۇجاتتارمەن قاتار قازاق تٸلٸندەگٸ دەرەككٶزدەردٸ قولدانىپ, وعان بارىنشا وبەكتيۆتٸ قاراۋعا مٷددەلٸ ەكەنٸن ەسكەرتتٸ. سونىمەن بٸرگە اتالعان تاقىرىپقا عىلىمي قوعامداستىقتىڭ قىزىعۋشىلىعى ارتىپ كەلە جاتقانىن جەنە ونى اقش-تا وسىنداي ٸس-شارا اياسىندا العاشقى رەت تالقىلانىپ وتىرعانىن اتاپ ٶتتٸ.
ٶز كەزەگٸندە د. ساتپاەۆ ٶزٸنٸڭ مەدەني-اعارتۋ قورىنىڭ قاتىسۋىمەن س. كەمەرون كٸتابىنىڭ قازاق تٸلٸندە جارىق كٶرۋٸ قازاقستاننىڭ جاس ۇرپاعىنىڭ ۇلت تاريحىنداعى وسى قايعىلى كەزەڭدٸ تەرەڭ تٷسٸنۋٸنە ٷلەس قوساتىنىنا سەنٸم بٸلدٸردٸ.
