الماتىدا جۇمباق جاعدايدا قازا تاپقان 61 جاستاعى ەر ادامنىڭ كٶرشٸلەرٸ مارقۇمنىڭ جالعىز تۇرعانىن, ەشكٸممەن ارالاسپاعانىن ايتادى. كٶپقاباتتى ٷيدٸڭ بەينەكامەراسىنا ەر ادامنىڭ دەنەسٸن پاكەتكە سالىپ, يىعىنا كٶتەرٸپ الىپ شىققان سەت تٷسٸپ قالعان, دەپ حابارلايدى ult.kz.
«7 ارنا» مەلٸمەتٸنشە, كٷدٸكتٸ بەينەجازبانى العاش بولىپ كٶرشٸلەردٸڭ بٸرٸ بايقاعان. ول پوشتا جەشٸگٸنٸڭ جوعالعان كٸلتٸن ٸزدەپ, كامەرا جازبالارىن قاراعان. كٶرشٸلەردٸڭ ايتۋىنشا, بەلگٸسٸز ادامدار 29 قىركٷيەكتە پەتەرگە كٸرٸپ, كەلەسٸ كٷنٸ ەر ادامنىڭ دەنەسٸن الىپ شىققان.
تۇرعىندار مارقۇمنىڭ ۇزاق جىل بويى وسى پەتەردە تۇرعانىن, كٷن سايىن دٷكەنگە عانا بارىپ, تىنىش ٶمٸر سٷرگەنٸن ايتادى. سونداي-اق ولار بۇعان دەيٸن بەلگٸسٸز ادامداردىڭ كٸرەبەرٸستٸ تەكسەرٸپ جٷرگەنٸن, كەيٸن مارقۇمنىڭ پەتەرٸ ساتىلعانى تۋرالى حابار ەستٸگەنٸن جەتكٸزدٸ.
الماتى پوليتسيياسى قىلمىسقا قاتىسى بار دەگەن كٷدٸكپەن تٶرت ادامنىڭ ۇستالعانىن راستادى. پوليتسييا دەپارتامەنتٸ باستىعىنىڭ بٸرٸنشٸ ورىنباسارى قۋاتبەك ناۋاتوۆتىڭ ايتۋىنشا, تەرگەۋ بارىسىندا كٷدٸكتٸلەردٸڭ مارقۇمنىڭ پەتەرٸن زاڭسىز يەمدەنۋگە قاتىسى بار-جوعى دا انىقتالىپ جاتىر. تٶرتەۋٸ ۋاقىتشا ۇستاۋ يزولياتورىنا قامالعان.
ٸستٸ تەرگەۋ ٷشٸن ٸشكٸ ٸستەر مينيسترلٸگٸ ارنايى جەدەل-تەرگەۋ توبىن قۇردى. تەرگەۋ مينيستردٸڭ جەكە باقىلاۋىندا.
