Almatyda jumbaq jaǵdaida qaza tapqan 61 jastaǵy er adamnyń kórshileri marqumnyń jalǵyz turǵanyn, eshkimmen aralaspaǵanyn aitady. Kópqabatty úidiń beinekamerasyna er adamnyń denesin paketke salyp, iyǵyna kóterip alyp shyqqan sát túsip qalǵan, dep habarlaidy ult.kz.
«7 arna» málimetinshe, kúdikti beinejazbany alǵash bolyp kórshilerdiń biri baiqaǵan. Ol poshta jáshiginiń joǵalǵan kiltin izdep, kamera jazbalaryn qaraǵan. Kórshilerdiń aitýynsha, belgisiz adamdar 29 qyrkúiekte páterge kirip, kelesi kúni er adamnyń denesin alyp shyqqan.
Turǵyndar marqumnyń uzaq jyl boiy osy páterde turǵanyn, kún saiyn dúkenge ǵana baryp, tynysh ómir súrgenin aitady. Sondai-aq olar buǵan deiin belgisiz adamdardyń kireberisti tekserip júrgenin, keiin marqumnyń páteri satylǵany týraly habar estigenin jetkizdi.
Almaty politsiiasy qylmysqa qatysy bar degen kúdikpen tórt adamnyń ustalǵanyn rastady. Politsiia departamenti bastyǵynyń birinshi orynbasary Qýatbek Naýatovtyń aitýynsha, tergeý barysynda kúdiktilerdiń marqumnyń páterin zańsyz iemdenýge qatysy bar-joǵy da anyqtalyp jatyr. Tórteýi ýaqytsha ustaý izoliatoryna qamalǵan.
Isti tergeý úshin Ishki ister ministrligi arnaiy jedel-tergeý tobyn qurdy. Tergeý ministrdiń jeke baqylaýynda.
