Qazaqstan azamaty Ahror Saidahmetov DAISh terroristik uiymyna qoldaý kórsetkeni úshin 15 jylǵa bas bostandyǵynan aiyryldy. Bul týraly Niý-Iork shtatynyń Shyǵys okrýginiń prokýratýrasynyń saitynda aitylady, - dep habarlaidy Tengrinews.kz.
"Brýklin federaldy sotynyń sýdiasy Ýiliam Kýnts "Islam memleketi" terroristik uiymyna materialdyq kómek kórsetpek bolǵany úshin Qazaqstan azamaty Ahror Saidahmetovty 15 jylǵa bas bostandyǵynan aiyrdy", - delingen habarlamada.
Sondai-aq, Saidahmetovtyń DAISh uiymyna kirmek bolǵany belgili boldy. Saittaǵy málimetterge qaraǵanda, Qazaqstan azamaty jazasyn ótegennen keiin AQSh-tan shyǵarylady.
Al prokýratýranyń málimetinshe, qazaqstandyq 22 jastaǵy jigit Niý-Iork aýmaǵynda turatyn basqa da birneshe adamdarmen kelisimge kelgen. Olarǵa da (Ózbekstannyń tórt azamaty) osy sipattaǵy aiyptar taǵylyp otyr.
Aita keteiik, Ahror Saidahmetov 2015 jyldyń aqpan aiynda Djon Kennedi atyndaǵy halyqaralyq áýejaida ustalǵan bolatyn. Al AQSh biligindegiler onyń Túrkiiaǵa baǵyt alǵan ushaqqa otyryp, ary qarai Siriiaǵa ketpekshi bolǵanyn málimdegen edi.
