قازاقستان ازاماتى احرور سايداحمەتوۆ دايش تەرروريستٸك ۇيىمىنا قولداۋ كٶرسەتكەنٸ ٷشٸن 15 جىلعا باس بوستاندىعىنان ايىرىلدى. بۇل تۋرالى نيۋ-يورك شتاتىنىڭ شىعىس وكرۋگٸنٸڭ پروكۋراتۋراسىنىڭ سايتىندا ايتىلادى, - دەپ حابارلايدى Tengrinews.kz.
"برۋكلين فەدەرالدى سوتىنىڭ سۋدياسى ۋيليام كۋنتس "يسلام مەملەكەتٸ" تەرروريستٸك ۇيىمىنا ماتەريالدىق كٶمەك كٶرسەتپەك بولعانى ٷشٸن قازاقستان ازاماتى احرور سايداحمەتوۆتى 15 جىلعا باس بوستاندىعىنان ايىردى", - دەلٸنگەن حابارلامادا.
سونداي-اق, سايداحمەتوۆتىڭ دايش ۇيىمىنا كٸرمەك بولعانى بەلگٸلٸ بولدى. سايتتاعى مەلٸمەتتەرگە قاراعاندا, قازاقستان ازاماتى جازاسىن ٶتەگەننەن كەيٸن اقش-تان شىعارىلادى.
ال پروكۋراتۋرانىڭ مەلٸمەتٸنشە, قازاقستاندىق 22 جاستاعى جٸگٸت نيۋ-يورك اۋماعىندا تۇراتىن باسقا دا بٸرنەشە ادامدارمەن كەلٸسٸمگە كەلگەن. ولارعا دا (ٶزبەكستاننىڭ تٶرت ازاماتى) وسى سيپاتتاعى ايىپتار تاعىلىپ وتىر.
ايتا كەتەيٸك, احرور سايداحمەتوۆ 2015 جىلدىڭ اقپان ايىندا دجون كەننەدي اتىنداعى حالىقارالىق ەۋەجايدا ۇستالعان بولاتىن. ال اقش بيلٸگٸندەگٸلەر ونىڭ تٷركيياعا باعىت العان ۇشاققا وتىرىپ, ارى قاراي سيريياعا كەتپەكشٸ بولعانىن مەلٸمدەگەن ەدٸ.
