Foto: ©RIA Novosti
AQSh BUU Qaýipsizdik keńesiniń otyrysynda Ýkrainamen qaqtyǵys úshin Reseidi synaýdy kúsheitti, - dep habarlaidy Tengrinews.kz agenttigi AQSh memlekettik departamentiniń saityna silteme jasap.
AQSh memlekettik hatshysy Entoni Blinken BUU Qaýipsizdik keńesiniń otyrysynda Resei mobilizatsiia jariialaý arqyly Ýkrainadaǵy qaqtyǵystyń shielenisýin kúsheitýge sheshim qabyldaǵanyn aitty.
"Pýtin shielenisti báseńdetý týraly emes, kerisinshe shielenistirý sheshimin qabyldady. Halyqaralyq tártip bizdiń kóz aldymyzda kúirep barady. Reseidiń Ýkrainanyń jańa aýmaqtaryn anneksiialaý áreketi taǵy bir qaýipti áreket, sonymen qatar diplomatiiadan bas tartý", - dedi Blinken.
Syrtqy saiasat vedomstvosynyń basshysy AQSh-tyń Ýkrainany qorǵaýyn jalǵastyryp, diplomatiialyq sheshimge kelý úshin ustanymyn nyǵaita beretinin atap ótti.
"Bul soǵysty bir ǵana adam tańdady. Muny bir adam toqtata alady. Óitkeni Resei soǵysýdy toqtatsa, soǵys aiaqtalady. Ýkraina soǵysty toqtatsa, Ýkrainanyń sharýasy bitedi. Prezident Pýtin óz tańdaýyn jasady. Endi bul bizdiń barlyq elderdiń enshisinde", - dep basa aitty Blinken.
Onyń aitýynsha, keńestiń árbir múshesi Reseidiń "oisyz" iadrolyq qoqan-loqysyn dereý toqtatý kerektigi týraly naqty habarlama jiberýi kerek.
